POP 5

Lajmet më të lexuara të 5 minutave të fundit

Ekonomi

Standard & Poor's notë negative
Shqipërisë për borxhin publik

Agjencia e vlerësimit të Kreditit, Standard & Poor's ka zhvlerësuar borxhin e Shqipërisë me një shkallë. Shqipëria ka marrë notë negative në vlerësimin e borxhit nga niveli B+ në B.
Standard & Poor's notë negative<br />Shqipërisë për borxhin publik
NJU JORK - Agjencia e vlerësimit të Kreditit, Standard & Poor's ka zhvlerësuar borxhin e Shqipërisë me një shkallë. Në një njoftim të publikuar paraditen e sotme, agjencia deklaron se borxhi afatgjatë i Shqipërisë në monedhën vendase, lek, dhe në monedhë të huaj u zhvlerësua në nivelin B, nga B+ që ishte më parë.
 
Standard & Poor's shtoi se i ka dhënë një vlerësim të ri ekonomisë, duke e kategorizuar me opinion negativ për të ardhmen. Sipas agjencisë së vlerësimit të kreditit, Shqipëria do të përballet me vështirësi të mëdha, në ristrukturimin e borxhit, pa marrë ndihmë financiare nga institucionet ndërkombëtare. Aktiviteti ekonomik në vendin tonë është ngadalësuar ndjeshëm gjatë viteve 2012-2013 dhe parashikohet që rritja të jetë e “ndrydhur” edhe në vitet në vijim.
 
“Opinioni negativ për Shqipërinë, reflekton mundësinë që gjatë vitit të ardhshëm ky vend të zhvlerësohet sërish për shkak se rreziqet e mëdha gjatë procesit të ristrukturimit do të rrisin stokun e borxhin”, deklaron agjencia e vlerësimit.

Sipas agjencisë Standard & Poors Shqipëria është një nivel më lart se sa Greqia, që është në nivelin B-, por Shqipëria është në nivelin e me Bosnjen, Ekuadorin, Kamboxhian dhe Burkina Fason.
 
Sipas agjencisë Standard & Poors ekzistojnë sfida të mëdha për Shqipërinë në të ardhmen, pasi janë përkeqësuar strukturat, tashmë të brishta, të financimit, vazhdohet të raportohen të ardhura mesatare të ulta, ekonomia është e vogël, ka një bazë të ngushtë të produkteve të eksportit dhe është e lidhur me vendet në krizë të Eurozonës.

Sipas vlerësimit të fundit në 19 Shkurt të vitit 2012, kjo agjenci e vlerësonte Shqipërinë në nivelin pozitiv B+.
 
Në datën 19 Nëntor edhe agjencia tjetër e vlerësimit të kreditit, Moody’s, deklaroi se niveli B1 i bonove të qeverisë Shqiptare mbetet i kërcënuar nga sfidat e rëndësishme fiskale, niveli në rritje i borxhit dhe nga rritja e dobët ekonomike në vitet në vijim.
 
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

‘Dua më shumë Shqipërinë’, koncert për Pavarësinë në Fier! Bëhen bashkë 70 artistë fierakë

‘Dua më shumë Shqipërinë’, koncert për Pavarësinë në Fier! Bëhen bashkë 70 artistë fierakë

28 Nëntor, 21:39 nga Marsela Topi