Komisioni Hetimor i Kuvendit të Shqipërisë për hetimin e shkeljeve kushtetuese të presidentit Ilir Meta, përmbylli misionin e tij tre javor me një raport voluminoz i cili u miratua me unanimitet të plotë nga të gjithë anëtarët. Tashmë ky raport do t’i shkojë seancës plenare e cila do të shprehet me votë. Më pas vendimmarrja e Kuvendit do të shkojë për interpretim përfundimtar në Gjykatën Kushtetuese.
Me këtë rast, e ndjej si detyrë qytetare për të thënë dy fjalë rreth këtij Komisioni. Komisioni Hetimor i drejtuar nga zoti Alket Hyseni, tregoi gjatë gjithë punës së vetë një profesionalizëm tepër të lartë në të gjitha aspektet. Të gjithë anëtarët, pa përjashtim, u treguan me shumë integritet në trajtimin e një çështje kaq delikate siç është hetimi i veprimeve antiligjore të Presidentit të Republikës dhe propozimi për shkarkimin e tij.
Ndonëse të gjithë anëtarët e komisionit janë deputetë që përfaqësojnë parti të ndryshme politike, tek asnjë prej tyre nuk u pa tendencë në trajtimin e çështjeve objekt hetimi, përkundrazi, kishte gjithnjë seriozitet maksimal dhe respektim i çdo norme ligjore. Dallonin sidomos diskutimet plot kompetencë të relatores Klotilda Bushka dhe anëtares Vasilika Hysi, pa lënë mënjanë edhe anëtarët e tjerë që dhanë një kontribut të çmuar me punë e tyre.
Gjithashtu, drejtimi i Komisionit Hetimor nga zoti Hyseni, ishte një tjetër shembull se si duhet të drejtohen komisionet hetimore. Formati jo tendencioz që ia shfaqi, i dha një dimension shumë pozitiv këtij Komisioni. Mungesa e anësisë politike tek ai ndjehej jo vetëm në aspektin e drejtimit dhe diskutimit, por edhe të intonacionit të zërit. Në ndryshim nga komisionet e kaluara ku kryetarët zakonisht merrnin rol “prokurori”, tek zoti Hyseni dallohej qartësisht një mënyrë bashkëpunuese dhe me respekt maksimal për presidentin Meta.
Mungesa e protagonistit kryesor, personi nën hetim parlamentar, presidentit Meta, nuk e shfokusoi punën e këtij Komisioni për të ulur nivelin, për t’iu përgjigjur dhëmbë për dhëmbë shpërfilljes që ai bëri me mos prezencën e tij, ashtu edhe të përgjigjeve fyese që i vinin Komisionit nga Kabineti i Presidentit.
Komisioni “Hyseni”, me punën dhe Raportin cilësor që nxori, e ka rritur kaq lart stekën e standardeve për komisionet hetimore parlamentare, saqë ai do të jetë tashmë busulla, modeli krahasues për çdo komision tjetër në të ardhmen.
Bile, komisionet që do ngrihen në të ardhmen, për shkak të këtij standardi, do ta kenë detyrim intelektual që të rrinë ose në këto parametra, ose më lart. Çdo rënie nën nivelin e Komisionit “Hyseni”, do të konsiderohet në rastin më të mirë, thjesht: mediokritet. Kjo është edhe arritja më e madhe e këtij Komisioni, prandaj të gjithë duhet t’u themi: Faleminderit!
Lajme të tjera
-
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Apeli i GJKKO-së s'e nxorri nga burgu, i sekuestruan vilat, Meta udhëzon nga qelia Partinë e Lirisë: Nisni protesta periodike kundër SPAK
20 Nëntor, 17:44 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34 -
Zbardhet mbrojtja e Ilir Metës përpara Gjykatës së Posaçme të Apelit: Kërkoj lirinë, shumica e pronave dhe e llogarive bankare të Monikës! S’mbaj përgjegjësi për shpenzimet e ish-gruas e ish-vjehrrës
19 Nëntor, 12:42 -
Dosjet 'e nxehta'/ Adriatik Doçi: Meta është vizatuar si koka e korrupsionit, Kryemadhi merimanga! Përdorën biznesmenë si bankomat
18 Nëntor, 19:56 -
Apeli i GJKKO vendos nesër për Metën, Presidenti i PL-së apel nga burgu: Persona të paautorizuar po organizojnë protestë, distancohuni
18 Nëntor, 14:06 -
Avokati Beqiri në Report Tv: SPAK do nisë Hetimet edhe për Argitën dhe Shkëlzen Berishën! 23 dosje për Metën ‘flenë’ në qeveri
15 Nëntor, 19:53 -
Tiranë/ Apeli i Posaçëm cakton datën për shqyrtimin e ankimimit të Ilir Metës mbi masën e arrestit
13 Nëntor, 15:08
