Starton Champions League, paqe pa gola në Dortmund- Barcelona, anglezet e nisin me disfata

Një sfidë e cila pritej të prodhonte gola dhe spektakël u mbyll në paqe me rezultatin 0-0. Në Gjermani Borussia Dortmund priti Barcelonën të lehtësuara pasi Interi kishte hedhur hapin e parë fals ndaj Slavia Pragas në një barazim 1-1. Në minutën e 57’ Marco Reus kishte shansin të zhbllokonte sfidën pas një penalltie të fituar nga talenti anglez Jadon Sancho por Reus u tregua jo i saktë.

Napoli ka mposhtur me rezultatin minimal 2-0 kampionët në fuqi të Liverpool. Dries Mertens shënoi nga pika e bardhë e penalltisë golin e parë për të kaltrit në minutën e 85’ ndërsa në shtesë transferimi më i ri, Fernando Llorente duke përfituar nga një gabim trashanik mbrojtjes së Liverpool shënoi dhe të dytin. Një tjetër skuadër angleze Chelsea pësoi një disfatë të rëndë në Stamford Bridge ku u mposht nga Valencia me rezultatin 0-1. Spanjollët shënuan me Rodrgion në minutën e 70’ pas një skeme nga një goditje dënimi kurse Ross Barkley nuk shfrytëzoi një penallti në minutën 87’ por gjuajti traversën.

Në ndeshjet e tjera ‘’hirushja’’ e vitit të kaluar, Ajax fitoi binshëm në Amsterdam 3-0 përballë Lille.

Quincy Promes, Edson Alvarez dhe Tagliafico shënuan për holandezët. Leipzig mori një fitore me vlera në Portugali përballë Benficës me rezultatin 1-2. Golat për gjermanët u shënuan nga sulmuesi Timo Werner ndërsa për Benfica-n ngushtoi diferencat zviceriani Haris Seferovic.

Ndërkohë Salzburg ka prodhuar një rezultat tenistik në Austri ku ka mundur me rezultatin 6-2 përballë Genk. Në sy ra 19- vjeçari norvegjez Erling Braut Haaland i cili shënoi tre gola.

TAG:
• champions league
• liverpool
• barcelona
• chelsea
• Borussia Dortmund