KORCE- Festivali Mbarëkombëtar i Komedisë “KoKo Fest” nisi dje në qytetin e Korçës me pjesëmarrjen e 12 trupave teatrore nga Shqipëria, Kosova dhe Maqedonia dhe do të vijojë deri më 21 shtator. Zamira Kita, drejtoresha e festivalit u shpreh se festivali është një ngjarje e rëndësishme për jetën artistike”, duke theksuar se ky nuk është i vetmi festival teatror që zhvillohet në Korçë. “Qyteti i Korçës e ka në traditë festivalin, kështu festivali i teatrit “Ballkan 2000” ka startuar para disa vitesh në Korçë. Festivali i komedisë mban emrin “KoKo Fest”, sepse përfshin Korçën dhe komedinë”, tha aktorja e njohur Kita, e cila është edhe drejtore e teatrit “Andon Zako Çajupi” në Korçë.