Statistikat kundër Edy Rejas, Kombëtarja 1 vit pa fitore

Statistikat kundër Edy Rejas, Kombëtarja 1 vit pa fitore

Moment nga Shqipëri 1-3 Itali

Kombëtarja shqiptare e futbollit humbi dje 1-3 me Italinë në duelin miqësor të zhvilluar në "Air Albania". Përballja e luksit pa sërish humbjen e djemve tanë, që kanë dhjetë ndeshje që nuk fitojnë. Mes miqësoreve dhe ndeshjeve të Nations League, Shqipëria nuk ka mundur të shohë fitore gjatë 2022.

Për të gjetur një fitore të Shqipërisë duhet të kthehemi në 15 nëntorin e 2021, kur Shqipëria fitonte 1-0 me Andorrën në "Air Albania" falë golit të Çekiçit në minutën e 73.

Në dhjetë ndeshjet e zhvilluara në 2022, kuqezinjtë kanë pesë barazime dhe pesë humbje. Barazimet për skuadrën e Edy Rejas janë shënuar kundër Gjeorgjisë, Islandës (dy herë), Estonisë dhe Arabisë Saudite. Humbjet për tanët shënohen kundër Spanjës, Izraelit (2 herë), Katarit dhe Italisë.

Me këto të dhëna duket se e ardhmja e Edy Reja është larg stolit kuqezi, teksa italianit i skadon kontrata në fundin e këtij muaji. Kujtojmë se 77 vjeçari ka në dorë ta mbyllë me nder aventurën kuqezi, me Shqipërinë që në 19 nëntor pret në "Air Albania" Armeninë në miqësoren e radhës.

Rezultatet e kuqezinjve:

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet