Një statujë e Thomas Jefferson e vendosur prej gati 100 vitesh në Nju Jork do të hiqet nga pozicioni i saj pas votimit unanim nga zyrtarët e qyetit.
Statuja 7 metra e gjatë e Jefferson, një ndër themeluesit të Amerikës është vënë në vëmëndje kohëve e fundit për historinë e tij të pronësisë së skllevërve.
Në një letër drejtuar kryebashkiakut të qytetit të Nju Jorkut Bill De Blasio, zyrtarë e aktivistë të qytetit thanë se statuja ishte "një kujtesë e vazhdueshme e padrejtësive që kanë pllakosur komunitetet me ngjyrë që nga themelimi i vendit tonë", me bashkëkryesuesen Adrienne Adams duke zhvilluar një seancë dëgjimore mbi të ardhmen e statujës tha se "Jefferson rikujton disa nga momentet më të turpshme dhe të hidhura të historisë së vendit tonë".
![](https://shqiptarja.com/template/img/NO_ALFA_Kuadrate shqiptarja.png)
Jefferson dihet se kishte më shumë se 600 skllevër dhe kishte disa fëmijë me një nga skllavet e tij, Sally Hemings. Në atë kohë, skllavet femra nuk kishin të drejtë ligjore të refuzonin përparimet e padëshiruara seksuale nga zotërinjtë e tyre të bardhë.
Statuja ishte vendosur të transferohej në duart e Shoqërisë Historike të Nju Jorkut, raportojnë mediat e huaja. Sidoqoftë, krahas votimit unanim, këshilli mori një vendim se ku duhet të zhvendosej, me disa historianë që bënë thirrje që ai të vendoset në një vend tjetër brenda Bashkisë.
Në dëshminë e së hënës të 18 tetorit, historiani i Oksfordit Raymond Lavertue argumentoi se ndërsa Jefferson ishte 'me të meta masive', heqja e statujës do të ishte 'një zgjidhje shumë e thjeshtë që do të fshinte debatin'.
Debati mbi statujën e Jefferson ka vazhduar për disa dekada, por u rikthye në një bisedë publike mes një llogarie mbarëkombëtare mbi monumentet e pronarëve të skllevërve dhe figurave të Konfederatës pas protestave të vitit të kaluar ‘Black Lives Matter’.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)