POP 5

Lajmet më të lexuara të 5 minutave të fundit

Ekonomi

Stoku i rimbursimit të TVSH-së 79.6 mln €, Denaj: E zerojmë deri në qershor 2021, po punojmë ta bëjmë automatike

I gjithë detyrimi prej 79.6 milionë eurosh për rimbursimin e TVSH-së për bizneset  do të shlyhet deri në fund të qershorit të këtij viti. Ministrja e Financave Anila Denaj tha në interpelancë se po punohet për rimbursim automatik të bizneseve.

79.6 milionë euro që është stoku i TVSH-së, i cili ende nuk është rimbursuar, do të shlyhet brenda këtij viti.

“Ne kemi dhe një angazhim tjetër që në qershor të këtij vit e gjithë shuma e rimbursimit të jetë zero”, tha Denaj.

Ministrja e Financave Anila Denaj në një interpelancë me bizneset që përfitojnë rimbursimin e TVSH-së, tha se shlyerja e detyrimit me këste për disa kompani të mëdha ka qenë efikas. Objektivi i radhës sipas ministres është rimbursimi automatik.

“Nëse shkojmë drejt sistemeve që edhe kontrollet efektive në raport me rimbursimin e TVSH nuk na çojnë drejt skemave të mëparshme që kemi hasur në lidhje me rimbursimin dhe jo gjithmonë kanë shmangur shkeljet,  atëherë edhe rimbiursimi automatik do të jetë një fakt, por do ta synonim në afatmesëm”, sqaroi ministrja. 

Denaj foli edhe për kryerjen e kontrolleve për bizneset që aplikojnë për rimbursimin e TVSH-së, ku synohen verifikime nga zyra.

“Objektivi ynë është jo vetëm që të bëjmë jo vetëm shërbimet online por edhe tek kontrollet nëse kemi mjaftueshëm informacion edhe nga zyra shmangim kontrollet e drejtpërdrejta sepse janë më efektive. Ne kemi pasur 40% të kontrolleve nga zyra dhe 60% në vend”, tha Denaj.

Sipas të dhënave të tatimeve në 2020, janë dhënë 16.5 miliardë lekë për rimbursimin, nga 23.5 miliardë lekë që u rimbursuan në 2019, dhe pjesa më e madh i takon investitorëve të mëdhenj.

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Takimi mes Trump dhe Putin, ja shteti që është gati të presë dy liderët

Takimi mes Trump dhe Putin, ja shteti që është gati të presë dy liderët

13 Janar, 08:20