Stoltenberg: Do mbështesim me ndihma ushtarake Ukrainën! Rusia të rinovojë marrëveshjen e OKB-së për grurin

‘Sa më e fortë të jetë Ukraina në fushën e betejës, aq më shumë ka të ngjarë të kemi një zgjidhje politike që siguron që Ukraina të mbizotërojë si një komb sovran dhe i pavarur në Evropë. Ne duhet të forcojmë anën e tryezës së negociatave duke dhënë mbështetje ushtarake për të maksimizuar gjasat të një rezultati që është i pranueshëm për Ukrainën." 

Kështu deklaroi Sekretari i Përgjithshëm i NATO-s, Jens Stoltenberg, në një konferencë për shtyp me kryeministrin e Rumanisë, Nicolae Ciuca. 

"Unë nuk do të spekuloj se sa do të zgjasë lufta. Unë them vetëm dy gjëra. E para është se ne jemi të gatshëm të mbështesim Ukrainën për aq kohë sa të jetë e nevojshme," tha Stoltenberg. “E dyta është se shumica e luftërave përfundojnë në tryezën e negociatave dhe në të njëjtën kohë ne e dimë se ajo që mund të arrijë Ukraina në tryezën e bisedimeve varet tërësisht nga fusha e betejës”, vazhdoi ai. 

"Ne i bëjmë thirrje Rusisë të rinovojë marrëveshjen e ndërmjetësuar nga Turqia të OKB-së për grurin dhe të sigurojë furnizimin e vazhdueshëm me ushqim për ata që kanë më shumë nevojë për të." “Për muaj të tërë, forcat ruse kanë bllokuar portet e Ukrainës, duke shkaktuar krizën më të keqe globale të ushqimit në vitet e fundit”, kujtoi Stoltenberg.

Lajmi kryesor:

Lufta/ Putin: Rrezik i lartë i konfliktit botëror, ka plane që Ukraina të përdorë ‘bombë të pistë’

M.Q./Shqiptarja.com

TAG:
• Rusi
• giorgia meloni
• SHBA
• ukraine
• lufta ne ukraine