Stoltenberg paralajmëron Rusinë, çdo përdorim i armëve bërthamore në Ukrainë do ketë pasoja, njësoj edhe Serbia për dhunën ndaj Kosovës

Stoltenberg paralajmëroi se çdo përdorim i armëve bërthamore në Ukrainë do të kishte "pasoja të rënda, dramatike për Rusinë", duke e quajtur retorikën bërthamore të presidentit rus Vladimir Putin "të pamatur dhe të rrezikshme".

Ai e quan strategjinë e ndjekur nga Rusia si të dhunshme, duke vendosur dëmtimin e rrjetit energjitik dhe si pasoje helmimin dhe vdekjen e popullsisë ukrainase. Po e përcjellim me vëmendje situatën në Kosovë. Sekretari i Përgjithshëm i NATO-s më pas komentoi edhe tensionet mes Kosovës dhe Serbisë.

"NATO është shumë e fokusuar në Kosovë, në Ballkanin Perëndimor. Ne kemi një histori të gjatë, kemi ndihmuar në ndalimin e dy luftërave etnike. Fillimisht në Bosnje dhe Hercegovinë, e më vonë në Kosovë. Natyrisht, ne jemi ende të pranishëm atje, forcat e KFOR-it janë më shumë prej 4000 ushtarësh dhe ata luajnë një rol kyç në stabilizimin e situatës. Forcat tona janë të afta dhe të gatshme. Ushtarët po monitorojnë situatën me vëmendje të madhe. NATO dhe BE bashkëpunojnë shumë ngushtë dhe mesazhi im për të dyja palët është që të përmbahen nga përshkallëzimi shtesë dhe retorika provokuese. U bëj thirrje atyre për të ulur tensionet në Kosovë”, ka shtuar Stoltenberg.

Lajmi kryesor:

Dita e 4 e barrikadave në veri të Kosovës/ Escobar pas takimit me Kurtin: SHBA në krah të Kosovës nëse cënohet siguria! Stoltenberg: NATO është gati

F.D/Shqiptarja.com

TAG:
• Stoltenberg
• tensione ne veri te kosoves