POP 5

Lajmet më të lexuara të 5 minutave të fundit

Kronikë

Stop dhunës ndaj grave, Rama:
Do të japim shërbim ligjor falas

Ndal dhunës së grave. Në kuadër të fushatës 16 ditore kundër dhunës ndaj grave është mbajtur sot një Konferencë Kombëtarë në hotel Tirana.
Stop dhunës ndaj grave, Rama:<br />Do të japim shërbim ligjor falas
TIRANE-  Lufta e fenomenit të dhunës ndaj gruas ka bashkuar në një panel kampet politike. Kryeministri Edi Rama i pranishëm në konferencën me temë “Aktivizim kundër dhunës ndaj grave”, ku ishte e pranishme dhe deputetja e PD-së Albana Vokshi.
 
Kryeministri vlerësoi pjesmarrjen e deputetes së Partisë Demokratike Albana Vokshi në Konferencën Kombëtarë që u organizua sot në hotel Tirana në kuadër të fushatës 16 ditore kundër dhunës ndaj grave. Ai u shpreh se “ky është mesazhi i duhur që kapërcen në mënyrë kumptimplotë ndasinë midis kampeve politike”.
 
Në fjalën e tij kryeministri tha se qeveria që ai drejton do të forcojë mekanizmat ligjore kundër dhunës si dhe kërkoi përfshirjen e burrave dhe djemëve në këtë sfidë.

 NDIHME LIGJORE FALAS
“Për herë të parë cështja e dhunës ndaj grave dhe vajzave adresohet si një problem jo vetëm i grave dhe vajzave, por për herë të parë shikohet në aspektin e detyrimit të burrave dhe djemëve duke i përfshirë në një betejë për ta ndaluar dhunën. Forcimi i mekanizmave të luftës kundër dhunës, referimi i rasteve të dhunës do të jenë cështje të qeverisë. Ne do të jemi këmbëngulës derisa të vëmë në shërbim të grave dhe vajzave shërbimin ligjor falas”-u shpreh Rama

 RAMA: LUFTA NUK FITOHET E VETME DUHET ANGAZHIMI I SHOQERISE
“Ne jemi të përkushtuar që ta çojmë përpara për të bërë efektiv programin për rehabilitimin e grave të dhunuara. Ndihma ekonomike është një elemet që mund t’i jap ndihmës ekonomike një vlerë që humbet rrugës nga kryefamiljarët e dëshpëruar që e shpërdorojnë këtë ndihmë për alkool apo për të luajtur bixhoz.Plagë kjo që është lehtësisht e prekshme për shkak të varfërisë. Kalimi i ndihmës ekonomike tek gruaja do të rrisë peshën e përgjegjësisë së gruas në sytë e burrit. Sfida këto që janë të trashguara në shumë vite. Përgjigja për to është një punë sa më gjithëpërfshirëse dhe e koordinuar se asnjë qeveri nuk mund ta fitojë këtë sfidë e vetme në rast se shoqëria nuk përfshihet në përpjekjen për të hequr këtë. Lobojmë për barazinë gjinore përtej ndasive partiake. Falenderoj zonjën Vokshi sepse ky është mesazhi i duhur që kapërcen në mënyrë kumptimplotë ndasinë midis kampeve politike. Marrja e përgjegjësisë në nivele më të larta për të vendosur një barazim midis gruas dhe burrit në të gjitha nivelet e qeverisjes, duke filluar me një presion horizontal të përhershëm mbi çdo institucion për tiu qasur këtij problem si një strategji për mbarëvajtjen e kësaj strategjie.“


RAMA: LUFTE NE CDO INSTANCE
Kreu i qeverisë ndali tek përpjekjet e qeverisë për ta bërë sa më efektiv programin për mbështetjen dhe rehabilitimin e grave të dhunuara. Rama tha se kalimi i ndihmës ekonomike tek gratë do të ndryshojë situatën në familje. “Kalimi i ndihmës ekonomike tek gruaja do të rrisë peshën e përgjegjësisë së gruas në sytë e burrit. Ndihma ekonomike humbet rrugës nga kryefamiljarët e dëshpëruar që e shpërdorojnë këtë ndihmë për alkool apo për të luajtur bixhoz. Plagë kjo që është lëhtësisht e prekshme për shkak të varfërisë. Sfida këto që janë të trashguara në shumë vite. Përgjigja për to është një punë sa më gjithëpërfshirëse dhe e koordinuar pasi asnjë qeveri nuk mund ta fitojë këtë sfidë e vetme në rast se shoqëria nuk përfshihet në përpjekjen për të hequr këtë” –bëri të ditur kreu i qeverisë. 

LOBOJMË PËR BARAZINË GJINORE PËRTEJ NDASIVE PARTIAKE
“Lobojmë për barazinë gjinore përtej ndasive partiake” u shpreh Rama duke iu referuar pjesëmarrjes në konferencë të deputetes demokratike . “Marrja e përgjegjësisë në nivele më të larta për të vendosur një barazim midis gruas dhe burrit duhet ndërmarrë në të gjitha nivelet e qeverisjes, duke filluar me një presion horizontal të përhershëm mbi cdo institucion për tiu qasur këtij problemi dhe për mbarvajtjen e kësaj strategjie”- deklaroi kreu i qeverisë 

RAMA: TË NDËRGJEGJËSOJMË SHOQËRINË
Rama bëri apel për luftimin e këtij fenomeni që e rendit vendin tonë në botën e parpambetur duke kërkuar bashkëpunim për shkuljen e tij qysh në rrënjë. “Mesazhi është shumë i qartë: Çdo formë dhune është një shkelje e hapur e të drejtave të njeriut. Po nuk arritëm të mbrojmë këtë ide duke ndërgjegjësuar shoqërinë për të drejtat e grave dhe vajzave, përpjekja për të bërë një vend të denjë për gjeneratat e reja rrezikon të mbetët në mes e të jetë një punë e padobishme. Dhuna është një trashgimi që vjen gjithmonë e duke renduar vit pas viti.Kjo sfidë ka lidhje me përpjekjet te rrënjët e te trungu e që sot mund të preket me sy në shumë realitete.” -theksoi Rama.

BURRAT E DJEMTË BASHKËFAJTORË
“Ky fenomen i bën të gjithë burrat e djemtë bashkëfajtorë, na vë të gjithëve para një zgjedhje botës së prapambetur, shoqërisë patriarkale. Më tej kryeministri shprehu bindjen se “barazia gjinore nuk është në asnjë formë shpirtëgjesia e burrave ndaj grave por është promotorri i zhvillimit të vendit. Aty ku ka ekonomi të fortë ka barazi gjinore të fortë. Aty ku ka zhvillim ekonomik e social nuk ka ekonomi të fortë por ka edhe një grua me rol të fort”.

VELIAJ: FUSHATA KA DHENE IMPAKT
Ministri i Mirëqeniesë Sociale dhe Rinisë Erjon Veliaj tha se fushata 2 javore që u ndërmor këto ditë ka dhënë impakt maksimal pasi ishte e natyre krejt tjetër, ndryshe nga 23 vite më parë. “Ajo që do të them tani nuk është politikisht korrekte por dhuna ndaj gruas është ekskluzivisht një punë burrash”, u shpreh ministri Veliaj duke përmendur faktin se situata do të ndryshojë pasi vitin tjetër përfituesit e ndihmës ekonomike do të jenë gratë.

Redaksia online
(sg/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04