Një profesor në Universitetin e New York është shkarkuar nga puna pasi nxënësit përgatitën një peticion duke thënë se klasa e tij ishte shumë e vështirë.
Maitland Jones Jr, një profesor i kimisë organike u pushuar nga puna pasi më shumë se 80 studentë nga klasa e tij me 350 studentë nënshkruan një peticion duke u ankuar për notat dhe mësimdhënien gjatë pandemisë së Covid.
"Ne jemi shumë të shqetësuar për rezultatet tona dhe zbulojmë se ato nuk janë një pasqyrim i saktë i kohës dhe përpjekjes së dhënë në këtë klasë," thuhej në peticionin që u nënshkrua gjatë muajve të pranverës, ndërsa profesori u pushua nga puna në gusht.
Jones, 84 vjeç, tha për ‘New York Times’ se filloi të shihte humbje të fokusit midis studentëve rreth një dekadë më parë, por problemi u përkeqësua nga pandemia e koronavirusit në vitin 2020.
"Ata nuk po vinin në klasë, kjo është e sigurt, sepse unë mund t’i numëroja. Ata as nuk shihnin videot dhe nuk ishin në gjendje t’u përgjigjeshin pyetjeve," tha Jones.