POP 5

Lajmet më të lexuara të 5 minutave të fundit

Kosova & Rajoni

Studentët protestues serbë vazhdojnë marshin drejt Novi Sadit, të shtunën bllokohen urat mbi Danub

Studentët serbë të nisur nga Beogradi, që kaluan natën në Ingjije, rreth 40 kilometra nga kryeqyteti serb, po vazhdojnë marshin e tyre protestues drejt Novi Sadit, ku do t’iu bashkohen kolegëve të tyre nga ky qytet për të bllokuar urat më 1 shkurt.

Studentët protestues serbë vazhdojnë marshin drejt Novi Sadit, të shtunën bllokohen urat mbi Danub

Studentët protestues serbë

Studentët serbë të nisur nga Beogradi, që kaluan natën në Ingjije, rreth 40 kilometra nga kryeqyteti serb, po vazhdojnë marshin e tyre protestues drejt Novi Sadit, ku do t’iu bashkohen kolegëve të tyre nga ky qytet për të bllokuar urat më 1 shkurt.

Kështu, ata do të shënojnë tremujorin e vdekjes së 15 personave pas shembjes së një strehe betoni në stacionin e trenave në Novi Sad.

Pritet që studentët, të cilët u nisën nga Beogradi më 30 janar, të arrijnë në stacionin e trenave të Novi Sadit rreth orës 19:00.

Studentët nisën marshin e tyre afër 80-kilometërsh të enjten, rreth orës 10:30 nga Fakulteti i Arteve Dramatike të Beogradit.

Ata u ndalën për pushim në Batajnicë, Bova dhe Stara Pazova, ku u pritën nga qytetarët dhe shkuan në Ingjije rreth orës 22:00 dhe kaluan natën në tenda në një fushë sporti.

Studentët e Beogradit planifikojnë të mbështesin kolegët e tyre në Novi Sad të cilët kanë njoftuar se do të bllokojnë urat në gjithë qytetin më 1 shkurt, kur bëhen tre muaj që nga tragjedia në stacionin e trenave të këtij qyteti.

Ministri i Brendshëm i Serbisë, Ivica Daçiq, tha të martën se pjesëtarë të kësaj ministrie do të ofrojë siguri për marshin e studentëve, duke i përcjell edhe me autoambulanca dhe kamionë me ujë të pijshëm.

Tragjedia në Novi Sad nxiti një valë të protestave masive në mbarë Serbinë, duke nxjerr në rrugë dhjetëra mijëra njerëz.

Në dy muajt e fundit, protestat janë udhëhequr nga studentët, të cilët kanë bllokuar dhjetëra universitete shtetërore. Kërkesa kryesore e tyre është që të ketë përgjegjësi penale dhe politike të autoriteteve për aksidentin në Novi Sad.

Qeveria dhe presidenti Aleksandar Vuçiq, pretendojnë se kërkesat e studentëve janë plotësuar.

Studentët protestues kanë thënë se Vuçiqi nuk është përgjegjës për përmbushjen e kërkesave të tyre, duke shtuar se kërkesat nuk janë plotësuar dhe ata do të vazhdojnë protestat./ REL

Rendit zhvillimet sipas orarit:
Ora 17:42
Protestat masive, studentët serbë zyrtarisht kandidatë për Çmimin Nobel për Paqe 2025

1738341918_67988ec0a96ea7.38186996.jpg

Studentët nga Serbia janë zyrtarisht kandidatë për Çmimin Nobel për Paqe për vitin 2025, konfirmoi sot shkrimtari dhe dramaturgu Siniša Kovačević, një nga propozuesit e tyre për këtë çmim prestigjioz.

“Komiteti Nobel sapo ka dërguar konfirmimin se kandidatura e studentëve serbë për Çmimin Nobel për Paqe është pranuar”, shkroi Kovačević në rrjetin social X, duke shtuar se kandidatura është dorëzuar nga ai dhe avokatja Dijana Stojković.

Afati për nominimet për këtë çmim përfundon sot, dhe sipas Institutit Norvegjez Nobel në Oslo, çdo person që plotëson kriteret ka të drejtë të propozojë një kandidat.

Emrat e propozuesve dhe detajet e tjera mbi nominimet mbeten konfidenciale për 50 vjet. Çmimi Nobel për Paqe për vitin 2024 iu dha organizatës japoneze Nihon Hidankyo për përpjekjet e saj që armët bërthamore të mos përdoren më kurrë.

Vitin e kaluar, sipas Institutit Nobel u regjistruan 286 kandidatë për këtë çmim, nga të cilët 197 ishin individë dhe 89 organizata.

Numri më i lartë i nominimeve është shënuar në vitin 2016, kur u regjistruan 376 kandidatë.

K.M/Shqiptarja.com

Ora 16:18
Serbi/ Panik në protestat e Beogradit, makina përplaset me turmën (VIDEO)

SERBI - Një alarm u ngrit të premten pasdite në Beograd kur një makinë e drejtuar nga një person i panjohur u përplas me shpejtësi në një turmë infermierësh që po protestonin paqësisht jashtë një qendre të shëndetit mendor për tragjedinë në stacionin e trenit në Novi Sad.

Si pasojë e rrjedhës së çmendur të makinës, një grua ka mbetur e plagosur lehtë. Drejtuesi i mjetit u arrestua pak minuta më vonë.

Në të njëjtën kohë, shqetësues është fakti se ngjarja e sotme ishte incidenti i tretë i ngjashëm brenda pak javësh.

Protestat në Serbi për tragjedinë e Novi Sadi, ku mbetën të vdekur 15 persona pasi ra çatia e strehimores në një stacion treni, kanë nxitur një grupe të ndryshme të shfaqin irrtimin e tyre ndaj qeverisë.

Studentë nga Beogradi, së fundmi kanë ndërmarrë një marshim drejt Novi Sadit, duke bllokuar arterie të ndryshme të vendit. Këto protesta çuan në dorëheqjen e kryeministrit Vukcevic.

G.K/Shqiptarja.com

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Mars, 14:47

    Studentët dhe të rinjtë kujt duhet t’i japin prioritet:

Lajme të tjera



×

Lajmi i fundit

Tiranë/ Sherr mes dy familjeve në Valias, përfundojnë në pranga dy burrat dhe djemtë e tyre

Tiranë/ Sherr mes dy familjeve në Valias, përfundojnë në pranga dy burrat dhe djemtë e tyre

8 Mars, 16:53