Studentët të pakënaqur nga tarifat e shkollimit/ 'Na i përgjysmoni, e pamundur pagesa në këtë situatë’

Studentët e Universitetit të Juridikut kanë shprehur shqetësimin e tyre në lidhje me pagesën e tarifës studentore per vitin akademik 2019-2020. Ata shprehen se e kanë të pamundur të paguajnë tarifën sepse familjet janë pa punë dhe kriza ka prekur edhe ekonominë e tyre. Përveç tarifës për shkollën, studentët kërkojnë edhe përgjysmimin e pagesës për konviktet. Në një intervistë në ‘’ Rreze Dielli’’ ishin të ftuar disa studentë, Marash Logu ishte një ndër to, i cili ngriti një sërë problematikash që kanë prekur arsimin shqiptar dhe që po ndikojnë tek studentët ku kryesore mbetet përgjysmimi i tarifave duke u shprehur se ka disa arsye që kanë çuar në këtë ‘revoltë’:

‘’ Gjendja e pandemisë Covid-19 nga periudha e marsit deri në qershor e bllokoi të gjithë aktivitetin e shoqërisë , të gjitha bizneset ose reduktuan aktivitet e tyre ose u mbyllën dhe kjo solli një sërë vështirësish për familjet shqiptare, vështirësitë ekonomike që ka sjell pandemia në familjet shqiptare janë të njohura për këdo, reduktimi i vendeve të punës, disa u larguan nga puna, reduktimi i të ardhurave dhe sigurisht nëqoftëse familjet shqiptare preken do të preken edhe studentët sepse janë pjesë e këtyre familjeve, pra gjendja ekonomike është shkaku i parë përse universitetet publike në bashkëpunim me ministrinë e arsimit duhet të rishikonin çështjen e tarifave. Së dyti studentët e masterit e filluan vitin akademik me vonesë, në datën 15 Nëntor, vetëm pak ditë më pas ishin tërmetet e 26 Nëntor që e ndërprenë universitetin për dy javë, më pas ishin pushimet e fund vitit dhe praktikisht studentët e masterit kanë bërë mësim vetëm në periudhën janar-shkurt, kanë frekuentuar univerisitetin vetëm dy muaj….Disa nga prindërit e studentëve kanë humbur vendet e punës por edhe vet studentët të cilët duhet të ndihmojnë familjen me punën që bëjnë kanë humbur vendet e punës ‘’ tha studenti Marash Logu, ndërsa rreshtoi edhe disa arsye të tjera përse duhet përgjysmuar tarifa në Univerisitetet publike.

Në një lidhje skype në studion e ‘’ Rreze Diellit’’ ishin edhe disa studentë të tjerë të Fakultetit të Drejtësisë’’ të cilët u shprehen se arsyeja kryesore përse nuk mund ta paguajnë këtë tarifë është kriza ekonomike e krijuar nga Covid-19. Studentja Esmeralda Dida u shpreh se në familjen e saj janë 3 studentë dhe e kanë të pamundur pagesën e plotë të tarifës.

‘’ Gjatë periudhës së pandemisë një prej prindërve të mi, ka humbur vendin e tij të punës dhe rrjedhimisht nuk kemi pasur të ardhura të njëjta si vitin e kaluar. Për më tepër që në familjen tonë ne jemi tre student që ndjekim studimet, kështu që për të mbuluar kostot për secilin prej nesh,është akoma më e vështirë për ta, nga ana tjetër është edhe shërbimi që na është ofruar unë si student tw masterit kam zhvilluar mësim në auditore në periudhën e janarit dhe shkurtit’’ u shpreh ajo.

Një tjetër problematikë që u trajtua në studio ishte edhe rikonstruktimi i konvikteve,kushtet në konvikt të cilat për shkak edhe të pandemisë nuk janë aspak të favorshme për shmangien e virusit:

‘’ Konvikti në qytetin e studentit akomodon rreth 4500 studentë dhe është një situatë vërtet shumë problematike sepse 4500 studentë që vijnë nga të gjitha rrethet dhe të gjitha qytetet e Shqipërisë mblidhen në të njëjtin vend ndërkohë që nga monitorimi që kemi bërë deri më tani, nuk janë garantuar kushtet e sigurisë që lidhen me mbajtjen e higjenës, që lidhen me dezifektimin etj, arsyeja që kjo ndodh është se në godinat e Qytetit të Studentit ka të paktën 4-5 studentë që akomodohen brenda të njëjtës dhomë, tani mendoni pak 4-5 studentë që vijnë nga të gjitha vendet e ndryshmë të Shqipërisë dhe duhet të jenë në një kontakt shumë të ngushtë me njëri- tjetrin’’ u shpreh ai, për një problematikë e cila prek të gjithë studentët që akomodohen në konvikte.

Për të është një problematikë shumë e madhe masat që priten të merren për studentët , për shkak se mund të kthehet në një ‘ minë me sahat’ për përhapjen e Covid-19.

‘’ Po ju marr disa shembuj që ne na vijnë me video, thuhet përshembull që duhen larë duart 20 sekonda me ujë të ngrohtë etj, uji që del nga çezmet e konvikteve të Qytetit Studenti është i papastër, nuk ka as sapunë, as dezifektantë, dhe kështu me rradhë’’ tha studenti Marash Logu.

Ndërkohë që godina e rikonstruktuar do të ketë një çmim të ndryshëm, pra më të lartë se konviktet e tjera, duke rritur mundësinë për një hendek shoqëror midis studentëve, pasi shikohet si një diferencim i studentëve, duke qenë se mundësitë për të paguar një çmim më të lartë, nuk është i të gjithë studentëve njësoj.

D.M.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Marrëveshja me Italinë për emigrantët, në Gjadër të Lezhës nis ndërtimi i kampit

Marrëveshja me Italinë për emigrantët, në Gjadër të Lezhës nis ndërtimi i kampit