Shqipëria renditet në vendin e 4 në rang global, për sa i përket numrit të ministreve gra në qeveri. Agjencia e Kombeve të Bashkuara për Gratë (UN Women) ka kryer një studim të grave në politikë për vitin 2019, në 191 vende, ku konfirmohet progresi i qeverisë shqiptare në përfshirjen e grave dhe vajzave në vendimmarrje.
Shqipëria renditet e 4 në Botë, me 8 gra ministre ose 53.3 % e kabinetit qeveritar prej 15 ministrash. Vendi ynë renditet i pari në rajon sa i përket ministrave gra në qeveri. Spanja është vendi i parë në Botë me 11 ministre, nga 17 anëtarë që ka qeveria spanjolle. Një në 5 ministre është grua sipas hartës globalë të UN Women.
Parlamenti i Shqipërisë i dalë nga zgjedhjet e 25 Qershorit 2017, ka numrin më të madh të grave deputete në 27 vitet e fundit. Gratë përfaqësohen në Kuvend me 41 deputete nga 140 në total, ose 29.3%, duke u renditur e 53 në rang global.
Në legjislaturën 2013-2017, përfaqësimi i grave deputete ishte 23,5%. Ka pasur progres në përfaqësimin e grave në nivele të larta të Administratës Publike, ku rreth 60% e grave janë në nivel Drejtorësh të Përgjithshëm.
Lajme të tjera
-
Kryemadhi kafe me gratë në Tiranë: Sipas CIA-s, oligarkët vjedhin 1.5 mld euro nga Buxheti i Shtetit (VIDEO)
24 Shkurt 2021, 10:22 -
Gjermeni në Report Tv: Kemi ligje të mira për barazinë gjinore, niveli i përfaqësimit të grave në vendimmarrje është rritur
29 Janar 2021, 17:53 -
Kuota gjinore, tavan i qelqtë për partitë në Kosovë
15 Janar 2021, 12:25 -
Mediu thirrje grave: Refuzoni të jeni thjesht numra, nuk ka vlerë vetëm të jesh në pushtet, por ka vlerë pushteti juaj (VIDEO)
19 Dhjetor 2020, 12:20 -
Mesazhi i 1000 grave me ngjyrë për Biden: Ne çelësi i fushatës ne dhe çelësi administratës suaj
8 Dhjetor 2020, 15:59 -
Kryemadhi: Të forcojmë pushtetin e gruas në jetën politike
11 Korrik 2020, 13:13
