Pas shumë vitesh kërkime, prova dhe dështime, shkencëtarët për herë të pare kanë arritur të shërojnë minjtë e prekur me HIV.

Shkencëtarët kanë ardhur deri tek ilaçi, i cili në tërësi arrin të eliminojë virusin HIV nga organizmi i minjve, duke ngjallur shpresat se përfundimisht do të fitohet ilaçi kundër HIV-it.

Studiuesit  thonë se me ndihmën e metodës Crispr “humanizuan” minjtë, duke iu shtuar atyre qeliza të caktuara të sistemit imun të njerëzve, të cilat më pas shkatërruan virusin në mushkëri, zemër, zorrë dhe trurin e minjve, vetëm pas një injeksioni intravenoz.

“Kemi konfirmuar të dhënat, të cilat i kemi fituar me rastin e eksperimenteve tjera dhe u përmirësua efikasiteti i strategjisë për ndryshimin e gjeneve. Po ashtu, kemi zbuluar se ajo është efikase edhe në rastet e infeksionit akut të qelizës në organizmin e miut dhe në rastin e infeksionit në qelizat e njeriut, të mbjella në trupin e miut”, tha dr. Venhuji Hu.

Dr. Venhuji Hu, shtoi se qëllimi kryesor në fazën e ardhshme është testimi në njerëz për të parë nëse kjo metodë është efektive.

Në këtë studim që ka hedhur hapa të rëndësishme në kurimin e HIV-it, kanë marrë pjesë ekspertë të universitetit “Templ” dhe Universitetit në “Pitsburg”.

Redaksia Online
Er.K/Shqiptarja.com