Studimi OBSH-së, 2 të tretat e
botës preket nga virusi i "Herpesit"

E parë nga ana statistikore të gjithë mund të kemi herpes. Virusi HSV-1 shkakton ulçer përreth gojës, por gjithashtu mund të shkaktojë  infeksion gjenital. Sipas raportit të publikuar nga Organizata Botërore e Shëndetësisë afërsisht 2 të tretat e botës, nën moshën 50 vjeç kanë nivele të larta të virusit  infektiv herpes. Herpes shkakton plagë rreth gojës, ashtu siç janë shenjat të cilat dalin mbas një të ftohti të zakonshëm.
 
Sipas studimit të OBSH,më shumë se 3.7 miliardë njerëz nën moshën 50 vuajnë nga tipi i virusit herpes simplex 1 (HSV-1), zakonisht pas infektimit  në fëmijëri. Ndërsa 417 milionë njerëz midis moshës 17-49 vjeç kanë një tjetër formë të sëmundjes e cila shkakton herpes gjenital. HSV-1 normalisht shkakton ulçer rreth gojës sesa infeksion gjenital. Por, sot gjithnjë e më shumë ky virus po bëhet një nga shkaktarët kryesorë të infeksioneve gjenitale.
 
HSV-2 mund të rrisë rrezikun e përhapjes së  HIV-it, sëmundje që shkakton AIDS-in. Pak dihet për ndonjë lidhje ndërmjet HSV-1 dhe HIV / AIDS, edhe pse ajo mund të çojë në komplikacione të tjera të rënda të tilla si encefaliti.
 
“Në  të vërtetë kemi  nevojë për të përshpejtuar zhvillimin e vaksinave kundër virusit herpes simplex, dhe në qoftë se një vaksinë është  projektuar për të parandaluar  infeksionin HSV-2  dhe pengon infeksionin HSV-1, atëherë ne dot kemi arritje të larta," tha Sami Gottlieb, mjek i OBSH.
 
Nathalie Broutet, po ashtu mjek pranë OBSH-së , tha se Instituti Kombëtar Amerikan i Shëndetësisë dhe kompanitë, si GlaxoSmithKline Plc ishin të përfshirë në gjyqe për të përcaktuar nëse një vaksinë terapeutike ose parandaluese ishte e preferueshme ose jo.
 
Mjeku Gottlieb tha  se GSK kishte braktisur më parë një vlerësim për vaksinën vaksinë pas gjetjes se  produkti nuk ka qenë efektive kundër HSV-2, edhe pse rezultatet treguan efikasitet kundër HSV-1.
 
"Kjo ishte interesante dhe premtuese dhe i dha një dëshmi  konceptit se këto vaksina mund të zhvillohen. Ka shumë punë të vazhdueshme dhe ne jemi me shpresë se do të kemi një vaksinë HSV në të ardhmen, "- u shpreh Broutet për Reuters.

Redaksia Online
(Shqiptarja.com)