Ky përfundim vjen nga dy kërkuese në Univeristetin Bloomington të Indianës (SHBA), Bianca Manago dhe Cate Taylor, studimi që zbuloi se niveli i kortisolit (një ndër hormonet kryesore të stresit) arrinte nivele më të larta tek femrat që punonin në ambiente ku 85% e kolegëve ishin meshkuj.
Pasi përjashtuan faktorët personalë që mund të kenë ndikuar në rezultatet e këtij studimi, Manago dhe Taylor, shpjegojnë se këto rezultate do të ishin të njëjta dhe në një situatë paralele ku femrat do të kishin dominancë mbi kolegët meshkuj.
Megjithatë ky nuk është studimi i parë që vë në fokus vështirësitë e hasura nga gratë në situata analoge: nga izolimi social, në nivelin e konkurrencës, në padukshmërinë dhe dukshmërinë e tepërt, e deri në ngacmimet seksuale. Por kjo rezulton të jetë kërkimi i parë ku vlerësimi ka tejkaluar rrëfimet apo testet psikologjike duke arritur deri në një parametër biologjik, ku krahasohen rezultatet në mënyrë objektive për të patur një impakt të vërtetë mbi shëndetin në kohë afatgjate.
Redaksia Online
(a.h/shqiptarja.com)
![](https://www.shqiptarja.com/template/img/sh_logo1.png)