POP 5

Lajmet më të lexuara të 5 minutave të fundit

Sport

Suarez dhe Messi paralajmëruan Neymarin për largimin e tij nga Barcelona te PSG! Uruguaiani zbulon 'prapaskenat'

Lëvizja në merkato që solli më pas rënien e Barcelonës në futbollin evropian që nga viti 2017, mund të mos kishte ndodhur nëse Neymar do të dëgjonte shokët e tij të skuadrës Lionel Messi dhe Luis Suarez.

Suarez dhe Messi paralajmëruan Neymarin për largimin e tij nga Barcelona te PSG! Uruguaiani zbulon 'prapaskenat'

Suarez, Neymar, Messi

Lëvizja në merkato që solli më pas rënien e Barcelonës në futbollin evropian që nga viti 2017, mund të mos kishte ndodhur nëse Neymar do të dëgjonte shokët e tij të skuadrës Lionel Messi dhe Luis Suarez.

Këta dy të fundit u përpoqën të bindin ish-bashkëlojtarin e tyre, Neymar Jr për të refuzuar një lëvizje nga Barcelona te Paris Saint-Germain. Këtë e zbuloi vetë Suarez në një intervistë të dhënë.

Neymar krijoi një stuhi në futbollin evropian kur zgjodhi të kalonte në Paris si pjesë e një transferimi rekord botëror në vitin 2017.

Pavarësisht se luajti një rol vendimtar për Barcelonën, si pjesë e një treshe të frikshme sulmuese, Neymar pranoi mundësinë për të vazhduar përpara.

Braziliani u kritikua për vendimin e tij, mes thashethemeve për zhgënjim për të qenë nën hijen e Messit në Camp Nou, dhe kalimi nuk i dha atij një titull tjetër të Ligës së Kampionëve.

Një kalim në Arabinë Saudite në vitin 2023 vetëm sa e ka rritur ndjenjën e karrierës së Neymar si një mundësi e humbur dhe Suarez pretendon se bëri gjithçka që mundi për ta mbajtur atë në Barcelonë.

“Ne ishim miq shumë të mirë dhe e dinim se nëse do të përmbushnim rolet tona në fushë, do ta bënim Barcelonën të madhe”, ka thënë fillimisht Suarez.

“Nëse njëri prej nesh nuk do të luante mirë, dy të tjerët do të bënin diferencën. Ishte një marrëdhënie spektakolare”.

“Ne i thamë atij se ishte një gabim që shkoi te PSG. Nëse Ney donte të ishte më i miri, ai duhej të qëndronte në krah të Leos. Por, ai mori vendimin e tij dhe la boshllëk në skuadër”, përfundoi uruguaiani.

Suarez ofroi gjithashtu një përditësim për të ardhmen e tij në vitin 2024, pasi ai përgatitet të largohet nga Gremio dhe potencialisht të lidhet me Messin në Inter Miami, dhe sulmuesi veteran konfirmoi se një vendim është afër.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

26 Dhjetor, 07:25