Dyzet mijë dollarë për blerjen e një makine. Kjo është dhurata e presidentit Salva Kiir për anëtarët e dy dhomave të parlamentit të Sudanit pasi këta të fundit kanë miratuar modifikimin e Kushtetutës, duke lejuar zgjatjen e mandatit të tij deri në vitin 2021.
Mandati i presidentit duhet të mbaronte këtë vit por për shkak të luftës së përgjakshme civile që ka përfshirë vendin, Salva Kiir u shpreh se një situatë e tillë nuk lejon zgjedhje të lira dhe propozoi zgjatjen e mandatit të tij.
Edhe pse kjo shumë parash iu dha deputetëve për të blerë makina, vlen për t’u përmendur që rrugët në Sudan nuk ekzistojnë. Ndërkohë që presidenti e ka justifikuar shpenzimin e tij duke u shprehur se ligjvënësit duhet të kenë aftësinë për të lëvizur lirshëm.
![](https://shqiptarja.com/template/img/NO_ALFA_Kuadrate shqiptarja.png)
Që nga viti 2013, dhjetëra mijëra njerëz në Sudan kanë vdekur, mbi tre milion kanë dashur të largohen nga shtëpitë dhe fshatrat e tyre dhe mbi 70% e popullatës ka nevojë për ndihmë humanitare.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)