Suedi/ Kryeministrja e parë grua jep dorëheqjen disa orë pas zgjedhjes

Magdalena Andersson

Magdalena Andersson ka dhënë dorëheqjen si kryeministre e Suedisë disa orë pasi u emërua si kryeministrja e parë grua e vendit. Ajo e ndërmori vendimin e dorëheqjes pasi pësoi një humbje në parlament ndërsa votohej buxheti i paraqitur nga qeveria. Pas këtij zhvillimi partneri i saj në koalicion, partia e Gjelbër u largua nga qeveria.

“Për mua, ka të bëjë me respektin, por gjithashtu nuk dua të drejtoj një qeveri ku mund të ketë arsye për të vënë në pikëpyetje legjitimitetin e saj”, tha zonja Andersson në një konferencë shtypi.

Ndërsa refuzoi projektbuxhetin e qeverisë parlamenti votoi në favor të propozimit të paraqitur nga opozita që përfshin Demokratët e Suedisë, një parti populiste e krahut të djathtë.

Partia e tretë më e madhe e Suedisë i ka rrënjët në një lëvizje neo-naziste. Votimi ishte 154 me 143 pro propozimit për buxhetin të paraqitur nga opozita. Zonja Andersson është ushëheqëse e Partisë Social Demokrate.

Kujtojmë se Andersson u zgjodh me 117 vota pro, 174 kundër dhe 57 abstenime. Në sistemin parlamentar të Suedisë, mbështetja e shumicës nuk kërkohet për t’u zgjedhur kryeministër, por një kandidat duhet të mos ketë një shumicë absolute ose më pak se 175 deputetë kundër tyre. Magdalena Andersson, një ish-kampione noti për të rinj, e filloi karrierën politike në 1996 si këshilltare politike e kryeministrit të atëhershëm, ndërsa 7 vitet e fundit ka shërbyer si ministre financash.

M.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni:



×

Lajmi i fundit

John

Sulmi në Deçan, Lindita Nikolla: Krim i rëndë dhe i patolerueshëm, kriminelët meritojnë ndëshkim