POP 5

Lajmet më të lexuara të 5 minutave të fundit

Bota

Sulmi i Iranit me raketa në bazat amerikane, rritet numri i ushtarëve me dëmtime të trurit (Foto)

Shkon në 109 numri i ushtarëve amerikanë të diagnostikuar me dëmtime traumatike të trurit (TBI), pas sulmit me raketa ndaj bazave amerikane në Irak. Ndërsa, Trump nuk i kishte konsideruar lëndimet si tepër serioze, rritja e numrit të lënduarve nga 64 në 109 persona, ka ngjallur shqetësim. Zyrtarë republikanë i kanë bërë thirrje presidentit për më tepër llogaridhënie.

Sulmi i Iranit me raketa në bazat amerikane, rritet numri i ushtarëve me dëmtime të trurit (Foto)

Numri i trupave amerikane të cilat vuajnë nga dëmtimet traumatike të trurit (TBI) pas sulmit iranian ndaj bazave amerikane në janar, në Irak, është rritur në 109 persona, thonë zyrtarët amerikanë.

Më herët Pentagon raportonte se 64 anëtarë të shërbimit kishin mbetur të dëmtuar. Kalimi nga 64 në 109 persona të cilët shfaqin post traumatik stres është një rritje e konsiderueshme.

Presidenti Donald Trump deklaroi fillimisht se asnjë amerikan nuk u lëndua në bastisje. Më pas kur u pyet për rëndësinë e ndikimit të sulmit tek ushtarët, ai shtoi se: "Kam dëgjuar se ata kanë dhimbje koke, dhe disa gjëra të tjera, por unë do të thoja, dhe unë mund të raportoj, nuk është shumë serioze”.

Ndërsa referuar dëmtimeve traumatike të trurit (TBI-të), Trump tha se: " Në krahasim me dëmtimet e tjera që kam pare, nuk i konsideroj ato lëndime shumë serioze."

Sulmi në 8 janar erdhi mes tensioneve për vrasjen e gjeneralit Iranian, Qasem Soleiman, nga SHBA. Gati 70% e anëtarëve të shërbimit të dëmtuar janë kthyer në detyrat e tyre pasi dëmtimet janë të vogla dhe simtomat kërkojnë kohë që të përshkallëzohen, ka thënë Pentagon përmes një deklarate.

Ndërkohë, ligjvënësi republikan, Joni Ernst bëri thirrje për më shumë llogaridhënie këtë të hënë.

"Është thelbësore që kemi një plan për të trajtuar këta anëtarë të shërbimit, të dëmtuar. Unë i kam bërë thirrje Pentagonit të marrë masa sigurie dhe kujdesi për forcat tona që mund të jenë të ekspozuar ndaj lëndimeve të shpërthimit në Irak," shkroi Ernst në Twitter.

Më shumë se 400,000 trupa janë diagnostikuar me TBI që nga viti 2000, sipas qeverisë amerikane.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57