Presidenti Bajram Begaj ka dekretuar emërimin e Taulant Ballës si ministër i Brendshëm, pas shkarkimit nga Edi Rama të Bledi Çuçit si pasojë e dhunës së Rrajave për guroren. Tashmë i mbetet parlamentit që brenda 10 ditësh të shqyrtojë dekretin. Gjithçka pritet të mbyllet brenda këtij muaji, pasi për këtë legjislacion kanë mbetur dy seancat e fundit parlamentare, ajo e datës 13 dhe 20 korrikut.

Për postin e kreut të grupit parlamentar socialist që Taulant Balla lë bosh, në radhët e të majtës po diskutohen disa emra, më potencialët, Toni Gogu dhe Ermonela Felaj, të cilët pritet të marrin edhe pozicionet e tjera politike të Ballës, kryetar i delegacionit të parlamentit të Shqipërisë në Parlamentin Europian, si dhe zëvendës Kryetar i Këshillit Kombëtar të Integrimit Europian.

Vendimi i kreut të qeverisë për shkarkimin e Bledi Çuçit dhe emërimin e Ballës erdhi pas si pasojë e ngjarjes që tronditi opinionin publik, dhunën e fisit Rraja ndaj kushërinjve Maja për guroren në Krujë.

Episodi i sulmit barbar ndaj 2 qytetarëve solli dorëheqjen e deputetit Rrahman Rraja kur në mesin e agresorëve u identifikua djali i tij problematik Rexhep Rraja, por edhe dy vëllezërit Flamur e Xhelal Rraja, të gjithë në kërkim si organizatorë të episodit të tmerrshëm që e filmuan vet për të frikësuar banorët e tjerë që ankoheshin për dëmet në shtëpi nga gurorja, por që pa menduar u rrodhi në media.

Të gjithë panë si ky grup me familjarë të deputetit të dorëhequr tashmë ushtronin terror ndaj qytetarëve duke menduar se janë të paprekshëm. Dorëheqjen e publikuar në rrjetet sociale, Rrahman Rraja e dorëzoi zyrtarisht në Kuvend, dhe tashmë pritet që vendin e tij ta marrë Arkend Balla, icili renditet i pari me më shumë vota në listën e PS për Krujën.

Rendit zhvillimet sipas orarit:
Ora 15:19
Begaj dekreton shkarkimin e Çuçit dhe emërimin e Ballës ministër të Brendshëm

 

Presidenti Begaj dekreton shkarkimin e Çuçit dhe emërimin e Ballës ministër të Brendshëm. Taulant Balla u propozua nga Rama pas shkarkimit të Çuçit për dhunën e fisit Rraja për guroren 


 

M.Q./Shqiptarja.com

Ora 13:58
Kryeministria i dorëzon Presidentit propozimin për emërimin e Taulant Ballës, Ministër i Brendshëm

1688918925_taulantballa.jpg

Kanë mbërritur në presidencë kërkesat e kryeministrit Edi Rama për shkarkimin e Bledi Çucit dhe emërimin e Taulant Ballës në krye të Ministrisë së Brendshme.

“Referuar interesit tuaj mbi ardhjen në Institucionin e Presidentit të Republikës të propozimit për emërimin e z. Taulant Balla Ministër i Brendshëm, ju informoj që ky propozim sapo ka mbërritur”, thuhet në reagimin e presidencës.

M.Q./Shqiptarja.com

Ora 10:49
Kush mund të zëvendësojë Taulant Ballën si kreu i grupit parlamentar të PS (EMRAT)

Partia Socialiste zhvilloi ambientet e selisë së Kuvendit, një mbledhje të grupit parlamentar, e cila me sa duket do të drejtohet për herë të fundit nga Taulant Balla, i cili pritet të marrë drejtimin e Ministrisë së Brendshme.

Dy nga emrat potencialë, sipas burimeve për gazetarin e Report Tv Ermal Qori,  të cilët mund të zëvendësojnë Taulant Ballën si drejtues grupi janë Ermonela Felaj dhe deputeti Toni Gogu.

M.Q./Shqiptarja.com