Ish drejtuesi i policisë, Shemsi Prençi e cilëson akt të pastër terrori sulmin me kallashnikov drejt Top Channel, ku mbeti i vdekur roja i sigurisë Pal Kola, 61 vjeç. Në një intervistë për Report Tv në emisionin “Sot, live në Shqipëri’ me gazetarin Nertil Agalliu thotë se gardhi i fjalës së lirë është prishur.
“Në fakt, është për të ardhur keq se gardhi i fjalës së lirë është prishur. Sulmi drejt Top Channel është një akt kriminal, më i rëndi”, tha Prençi.
Sugjerimi i tij për policinë është ngritja e një strukture të posaçme për të zbuluar se si funksionon bota e krimit duke qenë se atentatet e ndodhura së fundmi përdorin të njëjtin skenar.
“Përdorimi i armëve të zjarrit, i bidonave të benzinës për djegie është metoda e përdorur në 80% të atentateve. Është fatkeqësi që policia nuk ka arritur të ngrejë strukturë të posaçme për të evidentuar kategorinë e grupeve kriminale, vrasësit me pagesë, grupet për konflikte territoriale të botës së krimit. Policia duhet të kishte arritur në përfundimin që diçka duhet të kishte ndryshuar në raport me strukturën. Nëse veprohet ashpër që nga gjurmimi, parandalimi por edhe kur ndodh goditja, i kemi destinacionet. Policia e Shtetit duhet të ndryshojë strategji në raport me këtë lloj kriminaliteti. Është akt i pastër terrori”, tha Prençi.
Ndër të tjera, Prençi ka bindjen se ngjarja do të zbardhet.
“Ata e dinë që veprimtaria kriminale që ndodh në oborrin e një televizioni është i madh. Fakti që shteti shqiptar ofron 100 mijë euro për të zbuluar autorë tregon se bie pista e vrasjes së rojës se hasmit e tyre do e kishin më të lehtë ta ekzekutonin rrugës ose në Sharrë, jo të bënin zhurmë kaq të madhe. Kam bindjen se kjo ngjarje do të zbardhet. Shumë e rëndësishme është evidentimi i provave. Ekspertët e dinë mirë se një gjurmë e vogël në makinë flet më shumë se 100 ekspertë”, tha Prençi.
Breshëri kallashnikovi u regjistruan dy ditë më parë drejt godinës së Top Channel, afër shtëpisë së Big Brother. Të shtënat me armë i morën jetën rojës së godinës, Pal Kola, 60 vjeç, i cili ka qenë duke u ngrohur pranë një ngrohëse që ka pasur brenda kabinës. Dyshohet se kanë qenë mbi tre persona që kanë marrë pjesë në këtë ngjarje të rëndë, të paktën 2 kanë qëlluar me breshëri mbi zyrat e Top Channel, ndërkohë që një tjetër ka qenë drejtuesi i makinës. Autorët pasi kanë djegur makinën dyshohet se kanë shkuar drejt Vlorës. Report Tv ka mësuar gjithashtu se makina me të cilën të paktën 3 autorë, një ‘Range Rover’ që është gjetur më pas e djegur në Golem të Kavajës me 2 kallashnikovë, nuk rezulton e regjistruar në Shqipëri.
Lajme të tjera
-
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Protesta masive në Beograd, gazetari nga Presheva në Report Tv: Më e madhja ndonjëherë që kur u rrëzua Millosheviçi! Sjellja arrogante e Vuçiç i ka irrituar më shumë qytetarët
23 Dhjetor, 11:49 -
Krishtlindjet, At Grigor Pelushi në Report Tv: Një nga festat kryesore të Krishtërimit, në 24 dhjetor Shërbesa e Vigjiljes! Perëndia zbriti nga froni për të shpëtuar njerëzimin
18 Dhjetor, 14:49 -
SHBA mesazh Berishës, gazetari Poli Hoxha: Iluzion, asnjë shans t’i hiqet non grata
17 Dhjetor, 14:30 -
Sondazhi i Report Tv, Mentor Kikia: Shqiptarët nuk janë të gatshëm të mbështesin rikthimin e Berishës! SPAK ka rritur besimin e qytetarëve tek drejtësia
13 Dhjetor, 13:57 -
Mandati i Xhaçkës, shpërthen Dash Sula në Report Tv: Pse mazhoranca e çon veten në këtë derexhe?! Vetëm ata e lexojnë Opinionin e Venecias ndryshe, edhe zonja 'Pushka'
11 Dhjetor, 15:05 -
Altin Dumani kampion anti-korrupsion nga DASH, Lapardhaja në Report Tv: Mesazh për atë që do vijojë të bëjë politika amerikane! Priten shpallje të tjera 'non grata'
11 Dhjetor, 14:08 -
Kërkohet t'i hiqet statusi i veçantë gjuhës shqipe në Maqedoninë e Veriut, ish-ambasadori: E rrezikshme! Të respektohet 'Marrëveshja e Ohrit'! Shqiptarët faktor stabiliteti
11 Dhjetor, 14:04 -
Reshje shiu dhe dëbore, Anira Gjoni në Report Tv: Ulje temperaturash gjatë kësaj jave! Ja sa do jenë ato në zonat bregdetare, malore e të ulëta
10 Dhjetor, 13:50 -
Rritja e çmimeve, ekspertja në Report Tv: Produktet bujqësore 11 herë më shtrenjtë se inflacioni! Po prodhojmë pak qumësht, rrushi është bërë luks
10 Dhjetor, 13:36 -
I njëjti produkt në Shqipëri më shtrenjtë se në Itali, ekspertja e Ekonomisë në Report Tv: Tregtarët abuzojnë me çmimet, duhen kontrolle nga shteti
9 Dhjetor, 13:29 -
Eskperti i sigurisë: Në Zubin Potok u përdor eksploziv që prodhohet për ushtrinë
2 Dhjetor, 15:16
