Sulmi ndaj Ambasadës Amerikane në Beograd, akuzohen 12 vetë

Serbia ka akuzuar 12 persona se kanë marrë pjesë në vënien e zjarrit në ambasadën e SHBA-së në Beograd, gjatë trazirave që pasuan shpalljen e pavarësisë së Kosovës.

Të dyshuarit janë akuzuar se kanë kryer “akte të rënda kundër sigurisë së përgjithshme” dhe për sjellje të dhunshme, ka thënë për Associated Press, Vlladimir Gjorgjeviq nga Zyra e Prokurorisë. 

Ai ka thënë se të dyshuarit përballen me 12 vjet burg secili po që se shpallen fajtorë. Qindra serbë sulmuan ambasadën më 21 shkurt të 2008-ës, në shenjë zemërimi ndaj mbështetjes së Uashingtonit për pavarësinë e Kosovës.

Sulmuesit kanë hedhur gurë, kanë thyer dritaret dhe ia kanë vënë zjarrin ambasadës. Serbët, kryesisht tifozë sportiv patën sulmuar edhe ambasadat tjera perëndimore.  Një person pat vdekur gjatë trazirave. Ende nuk dihet se kur do të nisë procesi gjyqësor. 
/rg/shqiptarja.com/