POP 5

Lajmet më të lexuara të 5 minutave të fundit

Politikë

Lajme nga emisionet

Sulmi ndaj avokatit Sokol Mëngjesi, Beqiri: 80% e klientëve që ua fiton gjyqin nuk paguajnë më! Meçe: Shqiptarët të heqin dorë nga vetëgjyqësia

Avokati Sokol Mëngjesi u sulmua dhunshëm për shkak të detyrës mëngjesin e kësaj të mërkurë sapo kishte lënë fëmijën në kopsht në zonën e ish-Bllokut

Avokati Sokol Mëngjesi u sulmua dhunshëm për shkak të detyrës mëngjesin e kësaj të mërkurë sapo kishte lënë fëmijën në kopsht në zonën e ish-Bllokut.

Analisti Arben Meçe në emisionin ‘Repolitix’ në Report Tv dënoi sulmin ndaj avokatit dhe tha se qytetarët duhet të heqin dorë nga vetëgjyqësia. Sipas Meçes në momentin që bëhet marrëveshja ajo është e detyruar që të zbatohet.

‘Një qytetar ndodhet në vetgjygjësi të një grupi. Shqiptarët duhet të heqin dorë nga vetëgjyqësia. Askush nuk përfiton. Kemi të bëjmë me një person publik, i cili edhe me atë përcaktim që ju i dhatë tregon cilësitë e tij që kemi të bëjmë me një avokat me cilësi të larta. Avokatura në Shqipëri është institucion. Edhe në ligj futet në dispozita të veçanta. Në të gjitha këto plane është se ajo që duhet të bëjmë në shoqëri është të largojmë këtë grup njerëzish. U bë marrëveshja ajo është e detyruar që të zbatohet, nëse nuk e zbaton fillon penalitetet. Problem kemi manipulimin politik. Akti është i dënueshëm absolutisht në shoqërinë tonë.’- tha Meçe.

Nga ana tjetër avokati Idajet Beqiri, u shpreh se 80% e klientëve që fitojnë gjyqin nuk vijnë më.

‘Unë e marr avokatin që të më fitojë gjyqet. 80% të rasteve që ti ja fiton gjyqin nuk vijnë më. Po fitoj gjyqin! Kur nuk ka një marrëdhënie paraprake. Po i fitove gjyqin mbaroi nuk të jep më. Kjo është situatë dramatike. Në këtë drejtim marrëdhëniet me klientin duhet ti ndërtojmë në paradhënie. Këtu në Shqipëri nuk e kuptojnë që paguhet shërbimi. Ende ka mjaft gjyqtarë dhe prokurorë që kaluan vettingun dhe po kalojnë me stilin e vjetër të marrjes së parave. Mos e merrni veten në qafë duke u dhënë lekë. Lekun do ta merrni për shërbimin.’- tha Beqiri.

Ndërkohë Rezart Kthupi nënvizoi se marrëdhëniet ndërmjet avokatit dhe klientit nuk janë lehta.

‘Marrëdhëniet ndërmjet klientit dhe avokatit nuk janë të lehta. Mendojnë se duhet ta fitojnë gjyqin. Ajo që ka ndodhur është se klienti ka vendosur të mos e paguajë avokatin. Klienti ka firmosur kontratë dhe nuk ka paguar. Përmbaruesi ka vendosur sekuestron mbi pjesën e pronës që i takon klientit të tij. Dhe të bësh punën dhe mos të paguhesh! Çdo lloj gjëje që zgjidhet duhet zgjidhur brenda sistemit.’- tha Kthupi.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

7 Janar, 23:01