POP 5

Lajmet më të lexuara të 5 minutave të fundit

Politikë

Editorial

Sulmi ndaj Shqiptarja.com/ Denaj: Distancohemi nga akti i fundit i Metës! Liria e fjalës duhet të mbështetet nga të gjithë

Listës së personazheve të politikës, dhe jo vetëm që kanë dënuar sulmin e presidentit Ilir Meta ndaj botuesit të Shqiptarja. com, Carlo Bollino dhe gazetarëve, i është bashkuar edhe ministrja e Financave, Anila Denaj.

Sulmi ndaj Shqiptarja.com/ Denaj: Distancohemi nga akti i fundit i Metës! Liria e fjalës duhet të mbështetet nga të gjithë

Ministrja e Financave, Anila Denaj

TIRANË- Listës së personazheve të politikës, dhe jo vetëm që kanë dënuar sulmin e presidentit Ilir Meta ndaj botuesit të Shqiptarja. com, Carlo Bollino dhe gazetarëve, i është bashkuar edhe ministrja e Financave, Anila Denaj. Ajo vë theksin se liria e fjalës duhet të mbrohet gjithnjë, e mbi të gjitha kur hidhet dritë mbi hijet e paligjshmërisë, siç ndodhi në rastin konkret ku sulmi nisi pasi Shqiptarja.com zbuloi skandalin e kreut të shtetit me nënshtetësitë.

"Distancohemi nga akti i fundit i institucionit të Presidentit kundrejt mediave. Liria e fjalës duhet të gjejë gjithmonë mbështetjen e të gjithëve, sidomos kur është duke kryer detyrën e saj parësore, hedhjen dritë mbi hijet e paligjshmërisë", shkruan ministrja e Financave, Anila Denaj.

Postimi i plotë i ministres Anila Denaj

Shkrimeve të publikuara nga skandali me nënshtetësitë, presidenti Ilir Meta, në pamundësi të një argumenti sepse ka shkelur në flagrancë ligji, iu përgjigj me akuza në adresë personale të botuesit Carlo Bollino, bashkëshortes së tij, Alba Malltezi dhe gazetarit Adriatik Doçi. Dy ditë më parë,  Meta i drejtoi Bollinos 10 pyetje me të cilat aludon se gazetari dhe familja e tij kanë krijuar shoqëri offshore, ose shkelin ligjet e vendit,  duke e thirrur Bollinon “malavita”, etiketim i kopjuar nga ish-presidenti Sali Berisha, i cili po e përdor prej kohësh për të kërcënuar publikisht Bollinon. Ky i fundit, iu ka kthyer përgjigje të gjitha pyetjeve të ardhura në drejtim të tij.

Më herët, këtë sulm të presidentit Ilir Meta, e kanë dënuar edhe kryeministri Edi Rama, kryebashkiaku Erion Veliaj, ministri Bledi Çuçi si edhe analistë, që e kanë krahasuar Metën me ish- kryeministrin Sali Berisha që u dënua për shpifje.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Akrepi: 26/10/2020 13:51

    Mbeshtetim fuqishem lirine e fjales . Por , kaq fuqishem sulmojme edhe lirine e shpifieve , mashtrimeve , thash e themeve , egoizmave , matrapazlleqeve , dhe gjithfar zagarlleqesh qe duken plotesisht te lira , dhe ne veprim , kudo . I moret frymen ketij populli , vetem e vetem per karriken e pushtetit , dhe dhjakonarine qe zvarritet pas karrikes .

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi