Sulmi në Nice në 2016 me 86 viktima, lirohen nga burgu 2 shqiptarët, i shitën armën terroristit

Homazhet per viktimat ne Nice te Frances

Prej 4 vitesh në burg për sulmin terrorist të 14 korrikut 2016 në Nicë të Francës, dy shqiptarët Artan Hënaj, 42 vjeç dhe Maksim Çelaj, 28 vjeç, janë liruar. Dy shqiptarët u liruan të hënën nga burgu dhe do të hetohen në gjendje të lirë për trafik armësh.

Artan Hënaj, banues në Fier dhe Maksim Çelaj, banues në Mallakastër,  akuzoheshin se i kishin shitur një pistoletë një personi të tretë, dhe më pas arma kishte rënë në duart e terroristit Mohamed Lahouaiej-Bouhlel, i cili u ekzekutua gjatë sulmit nga policia franceze.

Pistoleta e shitur nga dy kushërinjtë Hënaj, u gjet në kamionin e përdorur nga terroristi, që u mori jetën 86 personave dhe plagosën më shumë se 500 njerëz.

Për dy shqiptarët e liruar tashmë, më 30 shtator 2020 edhe OFL u ka dorëzuar atyre formularin për të dhënë llogari për pasuritë e tyre.

Natën e 14 korrikut 2016 kur festohej dita e Bastijes në Nice, 31-vjeçari Bouhlel i hipur në një kamion arriti të hynte mes turmës dhe të vriste 86 persona, ndërsa më pas u vra nga policia.

I.K./Shqiptarja.com
  • Sondazhi i ditës:

    10 vjet më pas, a është bërë drejtësi për 21 janarin?

Komento


×

Lajmi i fundit

John

Të gjitha faktet përse SPAK duhet të thërrasë Berishën për 21 Janarin!