Moderatorja Arbana Osmani ka reaguar për herë të parë për sulmin ndaj “Top Channel”, ku për pasojë mbeti i vrarë një person, Pal Kola, roja i sigurisë.
Në një shkrim në rrjetet sociale, Arbana ka shprehur trishtimin e saj në lidhje me ngjarjen e rëndë dhe ka falenderuar publikun për mbështetjen. Por, moderatorja ka zgjedhur të mos japë asnjë informacion apo detaj në lidhje me vazhdimësinë e “Big Brother Vip”, ku banorët e këtij formati ende nuk kanë asnjë informacion rreth asaj që ka ndodhur, megjithëse mbrëmë dëgjuan të shtënat.
“Këto 24 orë kanë qenë të vështira për mua dhe gjithë kolegët e mi dhe nuk është e thjeshtë të gjej fjalët e duhura për të shprehur dhimbjen, trishtimin dhe zemeratën që ndjej. Shikues e publik që gjatë gjithë ditës sot nuk i ka kursyer mesazhet kurajoze ndaj nesh dhe për këtë ju jam falenderuese gjithmonë. Nuk gjej fjale për të ngushëlluar 3 fëmijët e Palit që sot humbën babain, përveçse të lutem që Zoti tu japë forcë të perballojnë humbjen e një njeriu të pafajshëm që sot është heroi im dhe i qindra kolegeve. Bashkë do jemi me të fortë.”- tha Arbana.
Kujtojmë se breshëritë e kallashnikovit janë regjistruar në mesnatë drejt godinës së Top Channel në Mëzes, afër shtëpisë së Big Brother. Të shtënat me armë i morën jetën rojës së godinës së televizionit, Pal Kola, 60 vjeç. Pas sulmit, është gjetur një mjet i djegur në Golem që kishte në brendësi dy kallashnikovë, dyshohet se aktin e kanë kryer të paktën 3 autorë të cilët janë në kërkim. Krerët e shtetit dhe politikës, gjithashtu edhe organizatat ndërkombëtare që operojnë si vende partnere në Shqipëri kanë shprehur ngushëllimet dhe kanë dënuar aktin.
Ende nuk dihet me çfarë motivi autorët qëlluan pa mëshirë me kallashnikov duke e lënë të vdekur në vend punonjësin e sigurisë. Grupi hetimor është fokusuar në dy pista, një prej tyre mund të jetë një mesazh për pronarët e Top Channel, ndërsa një tjetër pistë është edhe një mesazh kundër produksionit të Big Brother. Grupi hetimor ndodhet në vendngjarje dhe po punon për zbardhjen e plotë të saj.
Lajme të tjera
-
Arbana Osmani zbulon për herë të parë portretin e vajzës (VIDEO)
21 Nëntor, 16:28 -
‘Nuk ndaloja dot së qari’, Arbana Osmani publikon videon emocionuese kur mësoi se do bëhej me vajzë
1 Shtator, 11:17 -
'Kërkoi 600 mijë euro për të prezantuar Big Brother VIP?', Arbana Osmani thyen heshtjen
29 Mars, 20:29 -
Një vit nga sulmi drejt Top Channel, Balla: Hetimet në fazë intensive po dokumentojmë me prova porositësit e ekzekutorët
27 Mars, 13:50 -
Cili është personi më i bukur për Arbana Osmanin?!
5 Mars, 14:44 -
Merr fund saga e gjyqeve për pronësinë e Top Channel, i mbetet përfundimisht familjes Hoxha
28 Shkurt, 10:43 -
Arbana nuk do të jetë prezantuese e BBVIP, Lori Hoxha ka dy fjalë për të
13 Janar, 20:05 -
Nuk do prezantojë BBVIP në sezonin e tretë, Arbana Osmani reagon pak orë para nisjes së spektaklit
13 Janar, 17:38 -
Ledioni i zuri vendin, Arbana Osmani reagon për herë të parë
10 Janar, 08:02 -
VIDEO/ S’ka më aludime, Ledion Liço i zë vendin Arbana Osmanit! Do moderojë Big Brother
29 Dhjetor 2023, 23:00 -
FOTO/ Djali i Arbanës bën surprizën e papritur, e quan Eduartin baba
25 Dhjetor 2023, 09:32 -
Bora apo Arbana, eksperti rendit qytetet, kë duan më shumë shqiptarët?
18 Dhjetor 2023, 12:45
