Kryeministri i Britanisë, Rishi Sunak, tha të dielën se nuk ka plane të afërta për dërgimin në Kiev të personelit ushtarak për trajnimin e ushtarëve ukrainas. Më herët, zyrtari më i lartë i mbrojtjes britanike ishte shprehur gjatë një interviste lidhur me synimet për stërvitjen në Ukrainë të forcave të Kievit nga ushtarë britanikë.
Deri më sot, Britania dhe aleatët e saj kanë shmangur një prani formale ushtarake në Ukrainë për të zvogëluar rrezikun e një konflikti të drejtpërdrejtë me Rusinë.
Ministri britanik i mbrojtjes, Grant Shapps, i cili u emërua në këtë detyrë muajin e kaluar, tha në një intervistë për gazetën The Sunday Telegraph se ai dëshironte të dërgonte instruktorë ushtarakë në Ukrainë, përveç trajnimit të forcave të armatosura ukrainase në Britani ose vende të tjera perëndimore, raporton Reuters.
Disa orë pas publikimit të asaj interviste, Sunak tha se nuk kishte plane të menjëhershme për të dërguar trupa britanike në Ukrainë.
"Ajo që do donte të thoshte shefi i mbrojtjes ishte se në të ardhmen mund të jetë e mundur që ne të kryejmë stërvitjet në Ukrainë. Por ky është një plan afatgjatë, jo këtu dhe jo tani. Nuk do të dërgohen ushtarë britanikë ndërsa konflikti vazhdon", u tha Sunak gazetarëve në fillim të konferencës vjetore të Partisë Konservatore në Mançester.
Ish-presidenti rus, Dmitry Medvedev, tha të dielën se çdo ushtar britanik që trajnon trupat ukrainase në Ukrainë do të ishte objektiv legjitim për forcat ruse. Britania ka ofruar kurse trajnimi ushtarak pesë-javor për rreth 20 mijë ukrainas gjatë vitit të kaluar dhe synon të trajnojë një numër të ngjashëm në vijim. Në një intervistë me Sunday Telegraph, Shapps tha se kishte hapësirë për të ofruar trajnime ushtarake brenda Ukrainës pas një diskutimi të premten me shefat ushtarakë britanikë.
Lajme të tjera
-
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Britanisë i kërkohet të mos lejojë gruan e Bashar al-Assad të shkojë në Londër
24 Dhjetor, 15:23 -
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Kremlini hedh poshtë raportimet se gruaja e Assadit ka kërkuar divorc
23 Dhjetor, 18:38 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Pasi u rrëzua nga pushteti në Siri, Assadit i ndodh e papritura! Gruaja i kërkon divorcin
23 Dhjetor, 09:38
