Sunak planifikon të ‘ndalojë duhanin’ për brezat e rinj

Kryeministri britanik, Rishi Sunak, do të prezantojë disa nga masat më të ashpra në botë kundër pirjes së duhanit. Ai ka deklaruar se këto masa do të ndalojnë gjeneratën e ardhshme që të mos jenë në gjendje të blejnë ose të konsumojnë cigare.

Masat, të cilat janë ende në shqyrtim, janë pjesë e një përpjekjeje të qeverisë së Rishi Sunak për t’u fokusuar tek konsumatorët përpara zgjedhjeve të vitit 2024.

Një zëdhënës i qeverisë tha për tabloidin The Guardian se qëllimi i kësaj gjëje është që të largojnë zakonin e njerëzve për të pirë cigare deri në vitin 2030. Përveç kësaj, sipas planit, 1 milion cigare elektronike do të jepen falas, si dhe stimuj të tjerë për ta lënë duhanin.

Qeveria Sunak, po shqyrton masa të ngjashme me ato të prezantuara nga Zelanda e Re dhjetorin e kaluar. Me këto masa u rrit gradualisht mosha në të cilën lejohet pirja e duhanit dhe kështu do të ndalohet efektivisht shitja për të lindurit pas 1 janarit 2009, ndërkohë që sasia e duhanit në produktet e tjera të duhanit është ulur dhe ato do të shiten vetëm nga dyqane speciale dhe jo supermarkete apo minimarkete.

S.S/Shqiptarja.com

TAG:
• Britani e Madhe
• Rishi Sunak