Receta

Supë me hithra nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 12 Tetor 2022, 11:27 | Përditesimi: 12 Tetor 2022, 11:28

Supë me hithra

Përbërësit:

500 gr hithra
500 ml qumësht
2 qepë të njoma
2 thelpinj hudhër
1 lgj gjalpë
1 lgj miell
1 vezë
Arrë moskat
Kripë, piper

Përgatitja:

LEXO EDHE:
Bakllava me kadaif dhe arra nga zonja Albana

Në një tigan të thellë kaurdisim qepët e njoma të grira imët. Sipas dëshirës mund të shtojmë pak miell ose një patate të prerë në kubikë të vegjël. Pasi qepët të jenë zbutur shtojmë qumësht dhe buljon perimesh si dhe hithrat të cilat i kemi zbutur më parë në ujë të nxehtë. E lemë supën të marrë valë dhe më pas e kalojmë në blender. Rregullojmë shijen me kripë, piper, arrë moskat dhe bimë aromatike sipas preferencës.

Ndajmë të verdhën e vezës nga e bardha. Të verdhën e rrahim me pak buljon dhe e shtojmë në supë. Të bardhën e vezës e rrahim në marengë, e trazojmë me pak ajkë kosi dhe shtojmë nga një lugë tek supa në momentin që e servirim.

MC/Shqiptarja.com

TAG: