Çorbë me mëlçi, miell misri dhe kos

Përbërësit:

  • 300 gr mëlçi
  • 3 lugë gjelle miell misri
  • 2 lugë gjelle gjalpë
  • 3–4 thelpinj hudhër
  • 4–5 lugë gjelle kos
  • Kripë
  • Piper i zi
  • Piper i kuq

Përgatitja:

Mëlçitë i presim në kubikë të vegjël. Në një tenxhere i kaurdisim lehtë me pak gjalpë. I spërkasim me kripë dhe piper të kuq, pastaj shtojmë ujë derisa të mbulohen dhe i lëmë të ziejnë. Në një tigan tjetër kaurdisim miellin e misrit me gjalpë derisa të marrë ngjyrë kafe të artë. Shtojmë pak nga lëngu i mëlçive dhe e përziejmë mirë që të krijohet një salcë pa kokrriza. Këtë salcë e hedhim tek mëlçitë dhe e trazojmë vazhdimisht. Rregullojmë shijen me kripë, piper të zi dhe hudhra të shtypura. Çorba duhet të dalë pak e trashë, por jo shumë e rëndë. Shërbehet e ngrohtë dhe në çdo pjatë shtohet 1 lugë kos, që i jep freski dhe shije shumë të veçantë.