Receta

Supë me mish viçi, pule dhe perime nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 9 Mars 2022, 11:11 | Përditesimi: 9 Mars 2022, 11:12

Supë me mish viçi, pule dhe perime

Përbërësit:

500 ml lëng viëi me copëza mishi

LEXO EDHE:
Bakllava me kadaif dhe arra nga zonja Albana

500 ml lëng pule me pak mish me kockë

2-3 lgj vaj ulliri

2 karrota

1 presh

2 patate

1 brokoli të vogël

1 lulelakër të vogël

1 fetë kungull të verdhë

1 lgj miell

1 gotë qumësht

½ lgj koncentrat

1 tufë majdanoz

Kripë, piper

Përgatitja:

Vendosim mishin e viçit të ziejë së bashku me mishin e pulës (pjesë me kocka).

Në një tigan me pak vaj ulliri kaurdisim sipas rradhës së fortësisë, preshin dhe karrotën të prerë në rondele, patatet në kubikë, kungullin në kubikë, lulelakrën dhe brokolin në lule të vogla. Pasi perimet të kaurdisen shtojmë lengun e mishit me pjesët e grimcuara të mishit, kripë, piper dhe majdanoz.

Tresim miellin në pak qumësht dhe e shtojmë tek supa për të trashur lëngun. E lemë supën të ziejë në temperaturë mesatare derisa të ajkoset.