Receta

Supë me pulë, perime e makarona nga Zonja Vjollca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00.

Redaksia 9 Prill 2020, 10:25 | Përditesimi: 18 Prill 2020, 09:14

Supë me pulë, perime dhe makarona

Përbërësit:
500 gr mish pule
2 qepë të vogla
2 karrota
2 degë selino
Vaj ulliri
2 thelpinj hudhra
1 gjethe dafinë
Kripë dhe piper i zi
1 filxhan çaji makarona
Majdanoz

Përgatitja:
Vendosim në tenxhere me ujë të valuar mishin e pulës dhe e lëmë të ziejë për 30 minuta duke shtuar në të dhe 2 degë dafinë dhe pak kripë.
Në një tigan me vaj ulliri kaurdisim qepën të prerë në kubikë të vegjël, hudhrën të grirë hollë, karrotat të prera në kubikë të vegjël, selinonë e pastruar nga fijet dhe të prerë në kubikë të vegjël dhe i kaurdisim së bashku për 5 minuta.
Largojmë copat e mishit nga tenxherja dhe shtojmë perimet në tenxhere duke hedhur edhe pak piper të zi.
Pastrojmë mishin nga kockat dhe lëkura dhe i presim ato në copa sa një kafshatë dhe shtojmë mishin në tenxhere.
Nëse supën e doni më të trashë, shtoni makaronat në tenxhere dhe i lini të ziejnë për aq kohë sa është shkruar në etiketë. Në fund shtojmë majdanoz të grirë dhe e shërbejmë.
Shënim: Nëse supën e doni më të lëngshme, makaronat, i ziejmë makaronat veç dhe pasi ti kullojmë, vendosim 2 lugë gjelle makarona në pjatën e servirjes dhe më pas mbi to shtojmë supën e përgatitur.