Super aksioni për kapjen e më shumë se 1 ton kokainë/ Policia greke zbardh detajet

Policia greke ka dhënë detaje nga operacioni i kapjes së 1 ton e 181 kg kokainë ditën e sotme. Burime zyrtare bëjnë me dije se hetimet kanë zgjatur 6 muaj dhe operacioni është kryer policia greke në bashkëpunim me Zyrën e DEA të Ambasadës Amerikane, policisë shqiptare dhe atë spanjolle.  

Sipas asaj që u bë e njohur zyrtarisht, mesditën e djeshme në shtëpi në Astakos, u arrestuan dy persona (23 dhe 35 vjeç) të cilëve iu gjetën 52 çanta. Në secilën prej tyre kishte dy pako, të mbështjella me materiale të papërshkueshëm nga uji për mbrojtjen e lagështirës, gjithsej 1,040 pako.

Kjo shumë ishte menduar për shpërndarjen e menjëhershme dhe lëvizjen e mëtejshme për tre të huaj (24, 28, dhe 41 vjeç), si dhe një shofer ende i paidentifikuar  të një furgoni të marrë me qira me qëllim transportimin e sigurt të kësaj sasie.

Si rezultat i operacionit u sekuestruan
kokainë që peshon -1 ton dhe -181,048 kg
kërp i papërpunuar, -100- gramë
233.150- €
pluhur i bardhë me përbërje kimike të panjohur, -49- gramë
dy (2) peshore elektronike precize
Revolver 38 mm
tre (3) pistoleta
Pushkë kallashnikovi
(92) fishekë të kalibrit të ndryshëm
pesë (5) vetura private makina
nëntëmbëdhjetë (19) pajisje të telefonisë celulare
shumë pako najloni dhe shënime të shkruara me dorë

 

Lajmi kryesor:

Kapen 1.2 ton kokainë në Greqi, e sollën me jaht nga Karaibet! Arrestohet 'koka' e bandës dhe 5 shqiptarë të tjerë/ Hetime në Tiranë (EMRAT+VIDEO)

B.K./r.k./Shqiptarja.com

TAG:
• greqi
• Agrinjos
• 1.3 ton kokaine ne greqi