POP 5

Lajmet më të lexuara të 5 minutave të fundit

Kronikë

Superbanda shqiptare, ja 30
fotot e trafikantëve të drogës

Zbulohen fotot e supërbandës shqiptare të trafikut të drogës e prostitucionit, e shkatërruar në muajin prill 2013. Bëhet fjalë për grupin prej 34 personash, të arrestuar mëngjesin ne 10 prillit, nga një operacion i koordinuar, që të zhvillohej në të njëjtën orë në Shqipëri, Itali, Belgjikë, Holandë e disa vende të BE-së.
TIRANE - Pas më shumë se një muaji, gazeta “Shqiptarja.com” zbulon pamjet 31 prej 34 anëtarëve të organizës kriminale, që sipas hetimeve të prokurorisë dhe policisë, kanë investuar më shumë se 20 milionë euro në Shqipëri. Bëhet fjalë për të arrestuarit e operacionit ndërkombëtar të koduar “Sotto Tracia”, numri i të cilëve është 31, mes tyre edhe një femër.

Hotele, lokale, karburante, të ndërtuara me lekë trafiqesh, gjendeshin në zonën e Elbasanit, Librazhdit e deri në kufi me Maqedoninë. Dhe, kur mendonin se ata ishin harruar, në derë iu ka tokitur policia. Bëhet fjalë për tetë shqiptare të arrestuar përgjatë orëve të mëngjesit në qarkun e Elbasanit dhe Tiranë. Policia e Shtetit dhe Prokuroria e Krimeve të Rënda, njoftuan më 10 prill, se në pranga kanë rënë Sokol Tafani, Festim Hoxha, Rezart Tirana, Higert Allko, Brunild Ramaj, Altin Poda dhe Bledar Shabani.

“Departamentit Kundër Krimit të Organizuar dhe Krimeve të Rënda, finalizoi me sukses operacioni ndërkombëtar të koduar ‘Sotto tracia – AL’, për hetimin dhe goditjen e një organizate kriminale, që merrej kryesisht me ‘Trafikimin në sasi të mëdha të lëndëve narkotike të llojit Kokainë dhe Heroinë’, ‘Favorizim dhe shfrytëzim të prostitucionit’, ‘Favorizimi dhe qëndrim i të huajve klandestin në vendet e BE-së’”.

Kështu deklaruan në një konferencë për shtyp Edmond Rizai, Drejtor i Drejtorisë së Luftës Kundër Krimit të Organizuar dhe Eugen Beci, Drejtues i Prokurorisë së Krimeve të Rënda, gjatë një konference të përbashkët për shtyp, më 10 prill. Veprimet për finalizimin e Operacionit Ndërkombëtar “Sotto Tracia”, janë koordinuar nga EuroJust, i cili ka realizuar bashkëpunimin e koordinimin e veprimeve njëkohësisht edhe në 6 shtete të tjera, Shqipëri, Itali, Belgjikë, Francë, Holandë dhe Zvicër, ndërsa numri total i të arrestuarve është 34 vetë, nga të cilët, 10 në Itali, nga një në Belgjikë, Francë e Holandë dhe 3 në Zvicër.

“Nga të dhënat dhe hetimet e kryera, të arrestuarit nuk kanë asnjë precedent në Shqipëri. Në lidhje me drogën, ata e trafikonin nga Holanda, Franca e Belgjika drejt Italisë. Ndërsa për çështjen e shfrytëzimit të prostitucionit, grupi shftytëzonte vajza nga vendet e Lindjes dhe nuk rezulton asnjë rast me vajza nga Shqipëri”, theksuan Beci e Rizai.

Ndërkaq nga burime të tjera kofidenciale, mësohet drejtuesit e grupit të trafikut në vendet e BE-së, janë tre nga arrestuarit e gjithë grupit të trafikut dhe konkretisht, Festim Hoxha, Oliver Hoxha, i prangosur në Itali dhe Rezart Tirana, nipi i tyre. Ndërkaq dje, Shqiptarja.com ka zbuluar fotografitë e të arrestuarve në vende të ndryshme të BE dhe në Elbasan.
trafikantet e droges

(Foto: Të arrestuarit në Shqipëri e Europe)

Shkrimi u botua sot në gazetën Shqiptarja.com (print) 21.05.2013

Redaksia Online
(b.m/sqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

6 miliardë dollarë, si ia mori Shqipëria Kinës, Rusisë dhe Jugosllavisë?! Esencë-Report Tv

6 miliardë dollarë, si ia mori Shqipëria Kinës, Rusisë dhe Jugosllavisë?! Esencë-Report Tv

10 Janar, 21:34 nga Eljan Tanini