Ish-futbollisti i Tiranës Ernest Muçi ka gjetur golin e parë me klubin e Legias së Varshavës, që u transferua prej merkatos së dimrit. Goli i realizuar prej 20-vjeçarit mer më shumë vlerë kur evidentohet fakti se ishte ndeshja e parë e kampionatit polak dhe vlejti 3 pikë, pasi Legia fitoi 1-0 kundër Ëisla Plock.  

Në minutën e 29 pas një zhvendosje drejt qendrës Muçi lëshon një silur me të djathtën që përfundon në cepin e sipërm të krahut të djajthtë të portierit. Goli ka lumtuar tej mase edhe trajnerin e Muçit që hoqi syzet dhe vrapoi drejt tij për të festuar, ndërsa pas ndeshjes shtoi se ‘gola të till Muçi i realizon me sasi në stërvitje’. Trajneri shtoi edhe se ‘kjo ndeshja do t’i japë më shumë besim sulmuesit në të ardhmen’.

Ndërkohë Rei Manaj, futbollisti i kombëtares që ndeshjet e fundit po aktivizohet me ekipin e parë të Barcelonës, ka realizuar një tjetër gol me katalanasit pas tre të tjerëve në ndeshjen me Gimnastic.

Së fundmi sulmuesi 24-vjeçar realizoi golin e dytë në fitoren 3-1 që Barcelona mori kundër Gironas. Lushnjari konkretizoi siç duhet një top të futur në zonë nga Mortimer, duke arritur në kuotën e katër golave në dy ndeshje që është aktivizuar me ekipin e parë.

Për rrjedhojë mediat spanjolle kanë shkruar sot se trajneri Koeman i ka kërkuar klubit të ndryshojë planet për Manajn. Holandezi kërkon që shqiptari të qëndrojë në skuadër si zëvendësues i Aguerros, në një kohë kur Griezman, Coutinho dhe Braithëaite kanë dalë në shitje.

 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera