Superkupa e Italisë/ Zbulohen datat dhe çiftet për Interin, Juventusin, Milanin dhe Atalantën

Superkupa e Italisë do të zhvillohet në janar 2025 në Arabinë Saudite. Gjysmëfinalet do të zhvillohen më 2 dhe 3 janar, ndërsa finalja do të vendoset pak ditë më vonë në 6 janar.  

Inter - Atalanta do të jetë ndeshja e parë në program më 2 janar, ndërsa Juventus - Milan do të zhvillohet më 3 janar.  

Të treja ndeshjet, përfshirë finalen, do të zhvillohen në ‘Kingdom Arena’ të sapo ndërtuar, e cila është gjithashtu shtëpia e skuadrës saudite Al-Hilal.  

Superkupa e Italisë do të mbahet sërish në Riad të Arabisë Saudite dhe do të vazhdojë gjithashtu në një mini-turne me katër ekipe. Do të ketë dy gjysmëfinale me një takim, ku fituesit nga çdo ndeshje do të kalojnë në finale. Nuk do të ketë play-off për vendin e tretë.  

Katër skuadrat tashmë janë konfirmuar. Interi u kualifikua si fitues i Serisë A 2023-24, Milan si nënkampion, ndërsa Juventus dhe Atalanta u kualifikuan si dy finalistët nga Kupa e Italisë 2023-24.

S.DH/Shqiptarja.com

TAG:
• superkupa e italise
• Milan
• Inter
• juventus
• atalanta