POP 5

Lajmet më të lexuara të 5 minutave të fundit

Sport

Superliga pikiadë për të ardhura, ia kalojmë vetëm amatorëve të Andorës dhe San Marinos! Prodani për 'Report TV': Arsyeja? Futbolli ynë pa integritet

Vetëm 2 kampionate që janë amatore, e Andorës dhe San Marinos, ka lënë pas Superliga shqiptare sa u takon parave të gjeneruara në sezonin 2021-2022. Për Report TV ish-sekretari i FSHF-së Eduard Prodani thotë se futbolli shqiptar është në rënie të lirë për shkak të integritetit që sjell edhe largimin e sponsorëve.

Futbolli shqiptar është drejt greminës. Një raport i UEFA-s tregon se në sezonin 2021-2022 Superligë, që është edhe kampionati elitar në vend, gjeneroi vetëm 6 milionë euro të ardhura, duke renditur Shqipërinë në vendin e 52 në Europë. Më keq se ne janë vetëm Andora dhe San Marino, që nuk kanë një futboll profesionist. Madje shifra e 6 milionë eurove është e barabartë me 2019, ndërsa në 2018 Superliga gjeneronte 7 milionë euro duke kapur edhe vendin e 47 në Europë. Për Report TV Eduard Prodani, ish-sekretar i FSHF-SË, sot kreu i Shoqatës Rajonale të Futbollit Tiranë, tregon arsyet përse çdo vit futbolli shqiptar është në rënie.

“E para duhet thënë që futbolli jonë prodhon shumë pak dhe më e rëndësishmja gjithmonë e më pak. Padyshim që futboilli është në renie, ne zbritje, si në aspektin teknik ashtu edhe atë financiar. Futbolli shqiptar ka një rënie të frikshme të imazhit në publik, duke rënë imazhi bie besimi, integriteti. Për pjesën më të madhe të ndeshjeve dëgjon të thuash se janë të trukuara. Gjëja e fundit që duhet të presësh në këtë rast është që publiku ta ndjekë. Për rrjedhojë edhe sponsorët nuk afrohen,”-u shpreh Eduard Prodani, ish-sekretar i FSHF-së.

Për Prdoanin situata ka vetëm një mënyrë sesi mund të zgjidhet.

“Duhet të ndryshojë koka drejtuese e futbollit. Është keqmenaxhim. Ne nuk mund të krahasohemi as me Kosovën, që i ka statistikat në rritje. Ka ide të qarta progresi,”-tha Eduard Prodani, ish-sekretar i FSHF-së.

Gjenerimi i të ardhurave bëhet i mundur nga të drejtat televizive, të ardhurat nga UEFA, shitja e biletave, sponsorët dhe reklamat.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Joe Biden tërhiqet nga gara presidenciale në SHBA, si e vlerësoni?

Lajme të tjera



×

Lajmi i fundit

‘Ngec’ garancia sovrane për fasonët, deri tani vetëm 1 përfitues, refuzojnë bankat! Humbjet e eksportuesve më të thella me euron që bie

‘Ngec’ garancia sovrane për fasonët, deri tani vetëm 1 përfitues, refuzojnë bankat! Humbjet e eksportuesve më të thella me euron që bie

22 Korrik, 16:17 nga Eliza Gjediku