Futbolli shqiptar në përgjithësi dhe Vllaznia në vecanti janë përfshirë nga kaosi në këtë merkato. Shumë ekipi kanë filluar që të mendojnë për të ardhmen vetëm pas përfundimit të zgjedhjeve, pasi gjithcka kushtëzohej nga politika.

Por, jo gjithmonë politika sjellë progres, pasi në rastin e Vllaznisë gjithcka po shkon keq e më keq, pasi aktualisht në është pothuajse në rrugë, pasi jo vetëm që nuk një trajner që të drejtojë stërvitjen, por finanacat janë të pasigurta, pasi presidenti Agron Cela është larguar, pas zgjedhjes si deputet.

Ndërsa tani gjithcka është në dorë të Këshillit Bashkiak që do të vendosë për të ardhmen përmes burokracive që sipas asaj që duket do ta zvarrisë këtë proces edhe për të paktën një muaj, për të mos thënë më shumë. Megjithatë ish-presidenti Cela ka deklaruar se pavarësisht se u largua ‘de juro’, ‘de fakto’ nuk do të braktisë Vllazninë.

Burime pranë ekipit citojnë se drejtuesit kanë hyrë në negociata me trajnerin e njohur Agim Canaj. Trantativat vazhdojnë, e nëse ish-presidenti nëse do të mbajë fjalën, atëherë pritet që në ditët në vazhdim të bindë Canajn për të pranuar projektin për ndërtimin e Vllaznisë së ardhshme.

Ardhja e Agim Canajt do të ishte një siguri për të ardhmen në këtë moment të mbushur me pasiguri, pasi tekniku ka shumë eksperiencë në kampionatin shqiptar dhe e njeh më së miri atë ambjent