Superliga shqiptare e futbollit zhvilloi këtë të shtunë dy ndeshjet e radhës për raundin e 25-të. Tri pikët shkuan për Bylisin dhe AF Elbasanin, teksa kreu i renditjes është bërë shumë interesant.
Në 'Adush Muça' të Ballshit ishin vendasit e Bylisit që mposhtën 2-1 Vllazninë. Djemtë e Mirel Josës kishin shtatë ndeshje pa fitore dhe u rikthyen të merrnin tri pikët kundër shkodranëve kryesues. Nga ana tjetër Vllaznia kishte nëntë ndeshje pa humbje, mes tyre shtatë fitore radhazi dhe për të gjetur humbjen e fundit të shkodranëve do duhet të kthehemi më 8 dhjetorin e vitit 2025 kur AF Elbasani i mundte 1-0. Golat e ndeshjes së sotme u shënuan në pjesën e dytë. Bylisi shënoi me supergolin e Stoilov në minutën e 48-të dhe Sanogo në shtesën e shtatë të ndeshjes, ndërsa Vllaznia shkurtoi me Ensar Tafilin në minutën 90+9, por në fund goli shërbeu vetëm për statistika.
Në stadiumin e Vorës, AF Elbasani fitoi 2-1 kundër vendasve të Vorës. Olberkis shënoi golin e parë për AF Elbasanin, para se Kasalla të barazonte brenda pjesës së parë. Duhej Lleshi shtatë minuta para fundit që të shënonte nga pika e bardhë e 11 metërshit dhe t'i jepte tri pikë djemve të Ivan Gvozdenovic.
Raundi i 25-të i Superligës mbyllet të dielën me ndeshjet Tirana - Teuta dhe Flamurtari - Partizani. Dje ishte Egnatia që mposhti 1-0 Dinamon në Rrogozhinë.
Pas 25 ndeshjeve të luajtura është Vllaznia me 48 pikë që mbran kreun, ndjekur nga Egnatia me 46 pikë, AF Elbasani me 45 dhe Dinamo me 36 pikë.
Superliga shqiptare e futbollit, raundi 25-të:
E premte, 20 shkurt 2026
Egnatia 1-0 Dinamo (De Oliveira 90+3')
E shtunë, 21 shkurt 2026 - 13:30
AF Elbasani 2-1 Vora (ndeshja u luajt në Vorë)
Bylis 2-1 Vllaznia
E diel, 22 shkurt 2026
13:30 Tirana - Teuta
16:30 Flamurtari - Partizani
Renditja:
Bylisi dhe Vllaznia do përballen sot në orën 13:30 për raundin e 25-të në Superligën e futbollit. Në stadiumin 'Adush Muça' të Ballshit, në fushë do gjykojë një treshe gjyqtaresh vajza.
Kryesore do jetë Emanuela Rusta e cila ka edhe stemën e FIFA-s, anësore do jenë Mirjeta Salla dhe Edjena Kapxhiu. Arbitër i katërt Albano Stolaj. Në VAR do jetë Albert Doda dhe në Avar Ardian Beqiraj.
Komente
Lajme të tjera
-
Superliga/ Dinamo dy muaj pa fitore, Egnatia e mposht 1-0 në limite
21 Shkurt, 09:04 -
Disiplina/ Gjoba të majme për Partizanin e Tiranën pas derbit, pezullohen zyrtarët e Vllaznisë dhe AF Elbasanit
20 Shkurt, 09:41 -
KF Vllaznia feston sot 107 vjetorin e themelimit, Elseid Hysaj mediton rikthimin në Shkodër: Nuk do ishte keq, dua edhe Empolin
16 Shkurt, 13:57 -
Armand Duka 'garoi' i vetëm, 48 delegatë i japin mandatin e shtatë në krye të Federatës Shqiptare të Futbollit! Zgjidhen anëtarët e Komitetit Ekzekutiv
16 Shkurt, 10:57 -
Superliga/ Vllaznia fiton 2-1 kundër AF Elbasanit me gol ‘in extremis’ përleshje masive në fushë mes dy kampeve! Tifozët miq thyejnë stolat e ‘Loro Boriçit’
15 Shkurt, 22:32 -
Superliga/ Kryeqyteti mbetet i kuq, Partizani fiton 2-0 derbin kundër Tiranës! Bardheblutë goditën tre herë shtyllën, shiu vonoi nisjen e pjesës së dytë
15 Shkurt, 15:33
-
Nesër zgjedhjet në FSHF pa gara, Armand Duka ''kandidon'' i vetëm për mandatin e 7-të presidencial! Emrat e propozuar për në KE
15 Shkurt, 12:19 -
Sot derbi Partizani - Tirana në kryeqytet, policia tregon rrugët që do bllokohen që prej orës 14:00! Tifozët 'kortezh' në drejtime të ndryshme
15 Shkurt, 11:22 -
Superliga/ Vora ndal 1-1 Egnatian, Kasalla 'asist' Vllaznisë dhe AF Elbasanit! Teuta përmbys Bylisin në Durrës
14 Shkurt, 16:04 -
Nesër derbi i kryeqytetit në 'Air Albania', Partizani më superior përballë Tiranën në statistika
14 Shkurt, 15:19 -
Deklarata fyese kundër arbitrave dhe tentativë për konfrontim fizik, Komisioni i Disiplinës dënon drejtorin e Elbasanit dhe Egnatias! Gjoba edhe për Vorën e Bylisin
13 Shkurt, 21:15 -
'Loro Boriçi' s'do jetë i vetëm për 107 vjetorin e klubit, në Shkodër nisin propozimet për emërtimin e katër tribunave të stadiumit
13 Shkurt, 13:41
