Supersfida e peshave të rënda në boks mes Anthony Joshua dhe Jarell Miller mund të anullohet. Shkak është bërë testi antidoping që boksieri amerikan ka kryer në fundin e muajit mars, ku ka rezultuar pozitiv me substancën AW1516, që ndihmon në rritjen e masës muskulore.
Përgjigjja e dalë ditën e sotme ka shokuar të gjithë fansat në botë, të cilët mezi po e presin këtë superpërballje. Gjithsesi ende asgjë nuk është vendosur përfundimisht, pasi Miller i njohur ndryshe me nofkën ‘Big Baby’, do të zhvillojë testin B të antidopingut, për të shuar çdo pikëpyetje.
Në rast se edhe këtë herë rezulton pozitiv, atëherë Miller-it nuk do t’i jepet licensa nga shteti i Neë Yourk-ut. Substanca e ndalur e gjetur në trupin e 30-vjeçarit vetëm në vitin 2019 është futur në listën e ndaluar të Agjencisë Botërore të Anti-Doping-ut.
Me sa raportojnë mediat ndërkombëtare, Anthony Joshua, boksieri britanik i cili mban titujt WBO, WBA dhe IBF, mbetet i vendosur për të zhvilluar sfidën me 1 qershor. Dhe në rast se Miller rezulton pozitiv, atëherë në listë janë 2 kandidatë potencial për të zëvendësuar amerikanin, Luis Ortiz dhe Adam Koënacki.
