POP 5

Lajmet më të lexuara të 5 minutave të fundit

Sport

Supersfida Vllaznia-Partizani, Osmani: Ndeshje derbi, vlen për prestigj! Shehi: Kush fiton kap majat

Superliga rezervon të dielën supersfidën mes Vllaznisë dhe Partizanit. Trajner i shkodranëve e ka cilësuar si një derbi, ndërsa Orges Shehi i Partizanit shprehet se është një përballje mes ekipeve që duan majat dhe të kuqtë do synojnë ta fitojnë.

Të dielën në Shkodër, në orën 17:00 do luhet përballja më e rëndësishme e javës së 21 mes Vllaznisë dhe Partizanit. Të dy skuadrat i ndajnë në renditje vetëm 3 pikë dhe shkodranët kanë mundësinë të arrijnë të kuqtë, teksa edhe forma që po kalojnë është e jashtëzakonshme. Vllaznia ka 5 fitore radhazi në kampionat dhe 6 në të gjitha kompeticionet.

“Vllaznia si kundërshtar ka kampion aktual dhe vetvetiu është një ndeshje derbi. Më shumë rendësi sesa për pikët ka për prestigjin, për ecurinë në vijim. Do mundohemi ta luajmë këtë përballje sa më të qetë,”-u shpreh Qatip Osmani, trajner i Vllaznisë.

Partizani vjen në këtë përballje pas humbjes me Laçin dhe ka parë Egnatian kryesuese të largohet shumë. Ndaj një hap fals do të ndikonte shumë jo për mirë tek të kuqtë.

“Është ndeshje mes dy pretendetëve për të arritur majat. Dy skuadra me histori dhe ne do futemi për të bërë maksimumin dhe për ta trajtuar këtë ndeshje me personalitet. Ndeshje të tilla kërkojnë lojtarë të cilët dinë ti menaxhojnë situatat dhe ti interpretojnë ato me personalitet,”-tha Orges Shehi, trajner i Partizanit.

Po të dielën në orën 17:00 do luhet në Air Albania Tirana-Skënderbeu, ndërsa java e 21 do nisë në orën 13:30 me përballjen Laçi-Teuta.

Ne.k./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Netanyahu: Do të bëj gjithçka që Irani të mos ketë armë bërthamore

Netanyahu: Do të bëj gjithçka që Irani të mos ketë armë bërthamore

28 Nëntor, 20:43