Syri i Kaltër jepet me qira për 72 mijë lekë në muaj për 10 vite

Ministria e Financave ka vendosur të japë me qira për 10 vite një nga pasuritë e mëdha natyrore, Syri i Kaltër. Shoqëria që do të administrojë Syrin e Kaltër do ti paguaj shtetit një vlerë monetare prej 72 500 lekë në muaj (kjo vlerë është dyshemeja për fillimin e konkurrimit). Njoftimi është bërë i ditur nga Ministria e Financave e cila argumenton se dhënia me qira bëhet me qëllim dhënien në përdorim të saj për ushtrimin e një veprimtarie ekonomike e cila të gjenerojë të ardhura dhe punësimin e banorëve të zonës.

Aktualisht zona që do të jepet me qira është nën menaxhimin e kompanisë “Albturist T.O” sha dhe ka një sipërfaqe prej 470 metra katrorë, nga të cilat 220 metra katrorë janë objekt dhe 250 metra katrorë sipërfaqe funksionale, me vendndodhje në Syrin e Kaltër.  “Albturist T.O” sha që ka menaxhuar Syrin e Kaltër deri tani është një kompani publike e themeluar në vitin 2002 në pronësi të ministrisë së Financave.

Shoqëria e lartpërmendur ka përcaktuar edhe disa kritere për të gjithë pjesëmarrësit në garë. Kompania kërkon që zona mund të jepet me qira vetëm nëse ruhet destinacioni i tij fillestar që është ushtrimi i veprimtarisë turistike në fushën e akomodimit ekonomik. Po ashtu fituesi i qirasë po ashtu do të marrë përsipër të gjitha detyrimet që rëndojnë mbi pronën.

Po ashtu në njoftimin e ministrisë janë përcaktuar edhe kriteret që duhet të plotësojnë të gjitha shoqëritë garuese. Konkurrimi sipas njoftimit zyrtar është hapur sot në Ministrinë e Financave. Vendimi për dhënien me qira të këtij destinacioni turistik vjen pak javë pas reagimit të ministrit të Turizmit Blendi Klosi i cili e cilësoi një gangrenë të turizmit shqiptar, dhe paralajmëroi projekt të ri për investimin e plotë të Syrit të Kaltër.

Njoftimi për dhënien me qira te Syrit te Kalter

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Orli: 31/10/2019 08:45

    Bejeni rrugen o hajdute! Vetem me leket e biletave qe marrin tek diga duhet te ishte bere rruga te pakten tre here.

    Përgjigju
  • Fito: 31/10/2019 02:52

    DUHET TE JEPET ME 2 MILION LEKE NE MUAJ DHE TE MOS NGRIHET ASNJE LOKAL 500M PERRETH NGA BURIMI.....

    Përgjigju
  • xXx: 30/10/2019 22:48

    E rropet kete vend o te pangopur...

    Përgjigju
  • Lafsha: 30/10/2019 22:18

    E mori ndonjë f sh a t a r ?

    Përgjigju
  • Hasani: 30/10/2019 21:29

    Me siguri do te ndertohet ndonje resort atje. Ne te gjithe boten keto vende i mbajne te virgjera qe te terheqin turistet tek ne ndodh e kunderta. Pse se hap gojen z. Brace qe ka marre persiper te lug luftoje informalitetin. A ka krim me te rende se ky?

    Përgjigju
  • O popull: 30/10/2019 21:10

    PS vetem Sociale nuk eshte. Ky eshte turp dhe e tmerrshme se si dorezohen burimet e ketij statusi, privatit. Vendimi duhet kthyer sa me pare dhe te merret nga shteti (nese ka shtet).

    Përgjigju
  • nik: 30/10/2019 21:09

    Ky vend ka nevoj per menaxhim dhe e vetmja menyre eshte duke ja dhen privatit. Shpresoj qe shteti mund te kerkojn qira i cik me shum se 600 euro. Nje investim nga privati mun te rrisin punsimin dhe shtimin e turistave.

    Përgjigju
  • Sondazhi i ditës:

    Shqipëria skualifikohet nga Euro 2024, a ju pëlqeu loja e Kombëtares



×

Lajmi i fundit

Skandali te Onkologjiku, ministrja: Mjekët e përfshirë të shkarkuar, s’mund ta mbajnë me bluzën e bardhë

Skandali te Onkologjiku, ministrja: Mjekët e përfshirë të shkarkuar, s’mund ta mbajnë me bluzën e bardhë