TIRANE- Sokol Mjacaj, autori i vrasjes makabre të dy turistëve çekë, në bashkëpunim edhe me dy vëllezërit Besnik dhe Edmond Kodra, kanë mbytur me duar 13 vjeçarin Agim Lera dhe më pas trupin e pajetë e kanë hedhur në lumin Shalë, me qëllim paraqitjen e ngjarjes si një mbytje aksidentale në lumë.

Ngjarja e rëndë ka ndodhur në 11 shtator 2010, ku sipas dokumentave që zotëron “Shqiptarja.com” i mituri Agim Lera është tërhequr në një pritë nga Sokol Mjecaj, në atë kohë 15 vjeç, duke i thënë se do i jepte një çakmak pistoletë. Ku më pas është sulmuar dhunshëm nga dy vëllezërit Kodra dhe Sokol Mjacaj, pasi 13-vjeçari kishte disa pazare të pambyllura për shit-blerje të drogës. Si pasojë e këtij sulmi i mituri është mbytur me duar dhe është qëlluar më gurë, por për shkak të rezistencës disa minutëshe që ai ka bërë, në vendgjarje autorët kanë lënë shumë prova.