Të shtëna në veri të Mitrovicës

Zëdhënësi i Policisë së Kosovës për rajonin e Mitrovicës, Besim Hoti ka thënë se “mbrëmë rreth orës 23 e 45 min në afërsi të urës kryesore përkatësisht në rrugën “Mbreti Petër” është gjuajtur me armë zjarri në këtë objekt”

Sipas Hotit nga ky incident nuk ka pasur të lënduar dhe se është thyer vetëm një xham i këtij objekti. 

“Pasi policia ka dalë në vendin e ngjarjes ka taktuar një person i cili ishte sigurimi. Ai ka deklaruar se persona të panjohur kanë gjuajtur në drejtim të këtij objekti” ka pohuar Hoti. 

Sipas Hotit ende nuk dihen të dyshuarit e këtij rasti dhe nuk dihen motivet e këtij rasti. “Rasti është regjistruar si rast i shkaktimit të rrezikut të përgjithshëm dhe dëmtim i pronës”.
/rg/shqiptarja.com/