Tabaku: Buxheti i shtetit po i merr kompetencat pushtetit vendo

Deputetja e PD-së, Jorida Tabaku, nëpërmjet një statusi në Facebook ditën e djeshme, ka shprehur shqetësimin se buxheti i shtetit po i merr kompetencat pushtetit vendor. Sipas saj, buxheti i shtetit është duke ndryshuar parime të caktuara edhe në akte ligjore me hierarki më të lartë si Kushtetuta duke i hequr qarkut çdo funksion që ka. “Buxheti i shtetit i heq qarkut cdo funksion që ai ka, përveç atyre që i kanë hequr me VKM dhe redukton në mënyrë drastike fondet për qarqet duke i lënë hapësirë vetëm për 3,4% të transfertës së pakushtëzuar për paga, duke i vendosur në udhëkryq e duke mos i lënë zgjidhje”, shprehet ajo.