POP 5

Lajmet më të lexuara të 5 minutave të fundit

Politikë

Tabaku thirrje Ahmetajt: Bashkëpuno me SPAK! Inceneratorët të kalojnë në pronësi të bashkive

Deputetja e Partisë Demokratike Jorida Tabaku i bën thirrje ish ministrit Arben Ahmetaj që të bashkëpunojë me drejtësinë. Duke e quajtur hetimin e inceneratorëve si arritje të PD që e denoncoi fillimisht, Tabaku tha se inceneratorët duhet t’i kalojnë bashkive.

Deputetja e Partisë Demokratike, Jorida Tabaku doli në një deklaratë për mediat pas kërkesës së SPAK që i kërkon Kuvendit autorizimin për arrestimin e Arben Ahmetajt.  Ish kryetarja e Komisionit Hetimor për inceneratorët dhe zëri më i fuqishëm i opozitës në denoncimin e tyre, Jorida Tabaku i kërkon Arben Ahmetajt të bashkëpunojë me drejtësinë për të zbërthyer të gjithë aferën.

“Thirrja ime është të bashkëpunoni me Drejtësinë, bashkëpunoni me SPAK-un. Shqiptarët kanë nevojë që sot t’i shkojnë kësaj afere deri në fund”, u shpreh Tabaku.

Duke iu referuar dosjes së SPAK, Tabaku thotë Ahmetaj ka ushtruar presion mbi vartësit e tij për të hedhur firmën për inceneratorët.

“Zyrtarët e shtetit janë thirrur në zyrë nga ish-zv. Kryeministri dhe i është bërë presion për të firmosur.  A ka kapje shteti më të madhe se një Drejtor i Ministrisë së Financave i thotë Ministrit unë nuk e firmos se ka këto probleme dhe të gjitha këto email-e i shkojnë pronarëve të inceneratorëve?”, tha Tabaku.

Njëjtë si faktorët e tjerë opozitarë, deputetja e PD kërkon që pagesat të ndërpriten dhe inceneratorët t’i kalojnë bashkive.

“Pyetja që çdokush bën sot është; si ka mundësi që me gjithë këto arrestime, akuza dhe fakte ende sot shqiptarët paguajnë me paratë e tyre tre instalacionet e korrupsionit në Shqipëri. unë besoj që duhet ti kalojnë menjëherë në pronësi bashkive dhe duhet menjëherë bashkitë të marrin në administrim këto tre djegësa”

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • e drejta: 11/07/2023 10:24

    PO BASHKEPUNOI DO TE NXJERRI BANDITIN TEND berishen BASHKE ME SPIUNIN metaj...nuk e di sa i leverdis atij edhe ty moj sharabajge

    Përgjigju
  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Zelensky: Ukraina nuk do t’i njohë bisedimet SHBA-Rusi në Arabinë Saudite

Zelensky: Ukraina nuk do t’i njohë bisedimet SHBA-Rusi në Arabinë Saudite

17 Shkurt, 17:14