POP 5

Lajmet më të lexuara të 5 minutave të fundit

Ekonomi

Tabaku thirrje qeverisë: Profesionistëve të lirë u është marrë një taksë e padrejtë që duhet t’ia riktheni

Deputetja e PD i bëri edhe një herë thirrje qeverisë që të rikthejë tek qytetarët 12 mln euro që ka marrë nga xhepat e tyre, për një taksë që është quajtur antikushtetuese nga Gjykata Kushtetuese

Tabaku thirrje qeverisë: Profesionistëve të lirë u është marrë një taksë e padrejtë që duhet t’ia riktheni

Deputetja e PD, Jorida Tabaku

Deputetja demokrate, Jorida Tabaku, ka vazhduar thirrjet e saj drejtuar qeverisë në lidhje me këstin e taksës mbi Profesionet e Lira, që është paguar nga Profesionistët e Lirë përpara vendimit të marrë nga Gjykata Kushtetuese. Deputetja e PD që ishte një nga flamurtaret e luftës kundër kësaj takse në parlament dhe më tej në Gjykatën Kushtetuese, i bëri dhe një herë thirrje qeverisë që të rikthejë tek qytetarët 12 mln euro që ka marrë nga xhepat e tyre për një taksë që është quajtur antikushtetuese nga Gjykata Kushtetuese.

“Vendimi i parë që Ministri Financave duhet të dërgojë në tavolinën e qeverisë është rikthimi kësaj pagese që u morr padrejtësisht dhe pandershmërisht në një kohë që Gjykata Kushtetuese po shqyrtonte çështjen e dërguar prej PD dhe profesionistëve të lirë”, shkruan Tabaku në rrjete e saj sociale, duke i kërkuar qeverisë socialiste veprime konkrete në lidhje me profesionet e lira.

Tabaku shkruan se shqiptarëve u duhet një qeveri e ndershme që ka përgjegjësi morale dhe financiare për veprimet që kryen. Ajo shkruan se një qeveri që nuk i trajton m dinjitet qytetarët nuk është një qeveri që i shërben atyre.

Postimi i plotë i deputetes së PD, Jorida Tabaku:

“Qeveria vazhdon të heshtë për rikthimin e këstit të taksës që padrejtësisht u ka marrë profesionistëve të lirë. Të jemi të qartë, shtresa e mesme ka paguar padrejtësisht një këst të taksës antikushtetuese të profesionistëve të lirë. Atyre u duhet kthyer ajo që është marrë padrejtësisht dhe pandershmërisht!

Vendimi parë që Ministri Financave duhet të dërgojë në tavolinën e qeverisë është rikthimi kësaj pagese që u morr padrejtësisht dhe pandershmërisht në një kohë që Gjykata Kushtetuese po shqyrtonte çështjen e dërguar prej PD dhe profesionistëve të lirë.

Nuk ka asnjë logjikë ligjore, ekonomike dhe administrative që qeveria të mbajë në arkë 10 mln euro që u janë marrë padrejtësisht profesionistëve të lirë!

Nëse qeveria sot hesht kjo vjen si pasojë e vendimit të saj politik për t’u sekuestruar padrejtësisht 10 mijë qytetarëve që kanë një biznes të vogël të ardhurat që u takojnë atyre. Koha t’u rikthehet qytetarëve ajo që iu morr padrejtësisht dhe pandershmërisht!

Na duhet një qeveri e ndershme që i trajton me dinjitet qytetarët. Që respekton sipërmarrjen! Që nuk mbingarkon me taksa dhe nuk fut dorën në xhepin e shtresës së mesme edhe kur Kushtetuta e ndalon! Nuk do ndalemi për sa kohë nuk do u rikthehet ç’ka u është marrë padrejtësisht shtresës së mesme!”.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • sinani: 07/08/2024 23:32

    Tani eshte shume e lehte per te paguar tatimet…Une kam nje agjensi turistike ne Vlore dhe pagesën e detyrimeve tatimore e bej te Posta Shqiptare! Komisionet janë më të ulëtat në treg Paguaj ose në zyrë postare ose online në aplikacionin #ePosta. https://www.postashqiptare.al/c/3/e-posta

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31