POP 5

Lajmet më të lexuara të 5 minutave të fundit

Kosova & Rajoni

Takimet e Borrell me Vuçiç dhe Kurtin në Bruksel, Rama: Pa u liruar 3 policët e Kosovës, s'ka përparim të vërtetë! Franca e Gjermania të ndërhyjnë

Kryeministri Edi Rama ka reaguar pas deklaratës së Josep Borrell në përfundim të takimeve që pati ndaras me Albin Kurtin dhe Aleksandër Vuçiç. Në një postim të bërë në twitter, Rama shkruan se pa u liruar 3 policët e Kosovës që po mbahen të arrestuar në Serbi, nuk do të ketë asnjë përparim të vërtetë

Takimet e Borrell me Vuçiç dhe Kurtin në Bruksel, Rama: Pa u liruar 3 policët e Kosovës, s'ka përparim të vërtetë! Franca e Gjermania të ndërhyjnë

Edi Rama

Kryeministri Edi Rama ka reaguar pas takimeve të mbajtura ndaras në Bruksel mes përfaqësuesit të lartë të BE-së, Josep Borrell dhe krerëve të Kosovës dhe Serbisë, Albin Kurti dhe Aleksandër Vuçiç.

Nëpërmjet jë reagimi të bërë në tëtitter, Rama shkruan se përsa kohë nuk janë liruar 3 policët e Kosovës të cilët po mbahen të arrestuar në qeli paraburgimi të Serbisë, nuk ka asnjë hapësirë për përparim të vërtetë në uljen e tensioneve në veri të Kosovës. Ai tha se pas kthimit të policëve në shtëpitë e tyre, Franca dhe Gjermania duhet të ndërmarrin veprime të forta për të atë që Rama e quajti 'spirale absurditeti', duke iu referuar zhvillimeve më të fundit në veri të Kosovës. 

“Pa tre djemtë që largohen shëndoshë e mirë nga Serbia, nuk ka hapësirë për të bërë asnjë centimetër përparim të vërtetë! Sapo të kthehen në shtëpi, nevojitet një veprim i ri i fortë i Francës dhe Gjermanisë për të ndaluar këtë spirale absurditeti! POR Gjëja e parë: Lironi 3 policët!”- shkruan Rama.

Nga ana tjetër, Josep Borrell pas takimit ndaras që pati me Kurtin dhe Vuçiç në Bruksel, u shpreh se të dy palët kanë rënë dakord për nevojën e zgjedhjeve të reja në 4 komunat e veriut të Kosovës 

"Ne ramë dakord për nevojën për zgjedhje të reja. Ne diskutuam modalitetet dhe rrugën përpara - Arrestimet arbitrare ose keqtrajtimi i të burgosurve është i papranueshëm. Eulex do të luajë një rol më të fuqishëm në monitorim. 3 policët e mbajtur në Serbi duhet të lirohen urgjentisht dhe pa kushte"- shprehet Borrell. 

Kurti është shprehur i gatshëm të rifillojë negociatat me Serbinë për normalizimin e marrëdhënieve mes dy vendeve por duke kërkuar si fillim lirimin e 3 policëve të Kosovës që u rrëmbyen në 14 qershor në brendësi të territorit të vendit, nga një grup i forave speciale serbe. Për këtë çështje Serbia pretendon se 3 policët kishin kaluar kufirin dhe për pasojë gjykata e Kralevës i ka lënë në burg nën akuzën e trafikut të armëve. Kurti nga ana tjetër ka deklaruar se 3 policët po hanin drekë në momentin që janë rrëmbyer nga forcat speciale serbe dhe ka kërkuar që partnerët ndërkombëtarë të dënojnë agresionin serb. 

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mario: 22/06/2023 22:53

    jam mese i bindur se veriu i Kosoves eshte i humbur le te pergatitemi per nje krahine autonome Mitrovica si Mali i zi e vetmja rruge qe mbyll cdo pretendim edhe ne Bosnje dhe garanton edhe njohjen e Kosoves si shtet

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58